 |
| A pedra de abalar, en Muxía. |
O Concello de Ordes, a través das concellerías de Educación e de Medio Ambiente organizan, en colaboración co Equipo de Normalización Lingüística do IES Nº 1, unha nova andaina por etapas na que se percorrerá o Camiño Fisterra-Muxía.
O proxecto levarase a cabo, un ano máis, dentro do Programa de Sendeirismo "Os Camiños de Santiago en Galicia" co que xa se levan percorrido en anos anteriores os Camiños Inglés e Francés. A ruta xacobea elexida para o 2011 ten a súa orixe na cidade de Santiago e a súa meta no cabo Fisterra e o Santuario da Virxe da Barca.
O camiño farase en seis etapas que darán comenzo o día 7 de maio en Santiago de Compostela e rematarán o 11 de xuño en Muxía, celebrándose todas nas xornadas dos sábados. O inicio de cada tramo será o punto de chegada do anterior, facéndose a viaxe de ida e volta en autobús.
Inscripcións no Concello
Todos aqueles que estean interesados en participar poderán inscribirse ata o xoves anterior ao día da etapa elexida, no departamento de Educación, Mocidade e Discapacidade do Concello de Ordes, onde tamén poderán recibir máis información, así como chamando ao teléfono 981680002.
*
