Instalouse unha 'carpa da saúde' na que se revisou a tensión arterial, o peso e os niveis de glucosa
Pedreira: "Debemos lembrar a importancia de facer revisións periódicas para previr enfermidades"
A Alameda de Ordes converteuse esta mañá nun centro de saúde ambulante ao acoller unha iniciativa levada a cabo polo Concello de Ordes, a través da concellería de Sanidade dentro do programa Ordes Saudable. Unha iniciativa que serviu para conmemorar o Día Mundial da Saúde, e que consistíu na instalación dunha Carpa da Saúde na que se revisaron de balde a tensión arterial, o peso e os niveis de glucosa dos ordenses que ata alí se achegaron.
 |
| Toma da tensión arterial. |
Os encargados de revisar ditos niveis foron personal do Centro de Saúde de Ordes e do Colexio de Enfermería da Coruña. Nesta actividade participaron tamén a Asociación Galega de Enfermos para a Doazón de Órganos e a Irmandade de Donantes de Sangue de A Coruña que colocaron dúas mesas informativas sobre a doazón de órganos e sangue.
O edil de Sanidade, Xesús Pedreira, mostrou a súa satisfacción pola boa acollida da iniciativa, así como lembrou a importancia de facer revisións periódicas como forma de previr enfermidades e doenzas.
*
