jueves, 17 de abril de 2014

O PSOE de Ordes convoca unha charla este luns sobre a suba do IVE nas perruquerías


Unanimidade ordense na defensa dos seus xulgados


A corporación mobilizará aos veciños en contra da desaparición do partido xudicial de Ordes

O pasado venres 11, a xunta de voceiros do Concello de Ordes celebrou unha xuntanza na que se abordou a posible desaparición do seus dous xulgados. 

Un encontro que estivo encabezado polo alcalde, Manuel Regos Boquete e a o que tamén acudiron a primeirea tenente de alcalde, Silvia Marín; o presidente da xunta de voceiros, Roberto González e os concelleiros Estrella Vázquez Varela (PP), Ramiro Recouso (BNG), Xesús Pedreira (PSOE) e Ana Álvarez (CideGa). 

A todos eles se uniron tamén os exconcelleiros Gonzalo Castro, Manuel Astray Mariño, Susana García Gómez e Marco Antonio del Río Pardo. Ao longo das máis de dúas horas de xuntanza analizáronse as consecuencias que suporía para Ordes a recente aprobación do Anteproxecto de Lei Orgánica do Poder Xudicial

Unanimidade
Entre o acadado figura a ratificación do acordo adoutado no pleno municipal do pasada mes de maio do ano 2012, no que por unanimidade se lle requería ao Consello do Poder Xudicial para que manteña Ordes como partido xudicial. 

Unha solicitude a través da que se lle instaba ao Ministerio de Xustiza a que no caso de que se producira a tramitación dun proxecto de lei que modifique a Lei 38/1988, de 28 de decembro, se manteña nesa reforma o actual partido xudicial de Ordes. 

No que se refire ao Goberno da Xunta de Galicia demandábaselle que no exercicio das súas competencias defendese expresamente o mantemento do partido xudicial de Ordes e ao mantemento dos xulgados Nº 1 e 2 actualmente existentes na vila ordense.

Acordouse tamén que sexa o alcalde quen convoque, pasadas as celebracións da Semana Santa, a todos os sectores sociais afectados. Preténdese así organizar e mobilizar á cidadanía para que apoien e se impliquen na loita en contra deste anteproxecto de lei, tratando así de evitar a súa aprobación polo Congreso dos Deputados.


Xulgados de Ordes 
Na actualizade a vila de Ordes conta con dous xulgados nunha sede na que realizan as súas funcións 20 traballadores e onde se celebran uns 3.000 procedementos ao ano

A súa supresión suporía un grave prexuízo para os máis de 32.000 veciños que cada ano requiren dos seus servizos e que se verían obrigados a desprazarse ata A Coruña. Unhas molestias que tamén afectarían aos residentes de concellos como Frades, Mesía, Ordes, Oroso, Tordoia, Trazo e Val do Dubra.

*

Begoña Lorenzo, convidada especial no clube de lectura de Ordes



A educadora familiar da Mancomunidade tamén explicoulle aos pequenos en que consiste a súa profesión

O clube de lectura da biblioteca de Ordes celebraron un novo encontro no que os seus integrantes comentaron e puxeron en común a lectura acordada para estas últimas semanas, Unha lúan na fiestra de Agustín Fernández Paz

Ademais tamén contaron cunha invitada moi especial, Begoña Lorenzo, educadora familiar da Mancomunidade de Ordes. Esta profesional integrada dentro da área dos servizos sociais da comarca tivo ocasión de explicarlle a todos eles en qué consiste a súa profesión e os principais obxetivos do seu traballo, así como as funcións máis habituais no seu día a día. 

O agasallo de Annia
Os nenos e nenas deste club aproveitaron a súa presenza para resolver dúbidas na resolución de conflictos e no comportamento máis adecuado tanto no ámbito académico como familiar. O agasallo de Annia escrito por Sabela Núñez é o seguinte título sobre o que se traballará na próximo encontro.

*

Programa de Semana Santa en Ordes


A carreira de cross ambiental chega a Ordes o 1 de maio

Patrocinada por Tahití Zumos Naturais, La Caixa, María Fraga, Eurofrut, Hamburguesería A Bolera, Deputación da Coruña e Concello de Ordes

O VI Cross Ambiental e a III Andaina Concello de Ordes Memorial Xosé Estebo  celebrarase o vindeiro xoves 1 de maio a partir das 17:00 horas. O Campo da Feira será o punto de encontro para todos os corredores. Unhas probas que o ano pasado congregaron a máis de 300 atletas de todas as idades.

Unha competición na que poderán participar xente de todas as idades con percorridos que van dende os 100 ata os 9.500 metros. Nesta edición os premios para os tres primeiros clasificados de cada categoría serán variados e irán dende cantidades en metálico a trofeos, medallas e agasallos sorpresa

A todos os participantes tamén se lles entregará gratuitamente unha entrada para poder disfrutar dunha xornada no Museo do Traxe Juanjo Liñares, ademais de froita e bebida coa que hidratarse unha vez concluida a proba.

Inscricións
Aqueles que queiran participar teñen ata o próximo 30 de abril ás 20:00 horas para inscribirse a través da web www.correrengalicia.com. Tamén dispoñen do teléfono 660694586 e do correo electrónico atletismoordes@hotmail.com para solicitar máis información.


Esta proba está organizada polo Club de Atletismo Ordes e patrocinada por Tahití zumos naturais, La Caixa, María Fraga, Eurofrut, Hamburguesería A Bolera, Deputación da Coruña e Concello de Ordes.

*

Sigüeiro acollerá a VII Mostra de Obradoiros da Comarca de Ordes

Terá lugar dende o 9 ata o 16 de maio

A Mancomunidade de Municipios da Comarca de Ordes celebrará dende o 9 ata o 16 de maio a VII Mostra de Obradoiros Culturais da Comarca de Ordes. Unha nova edición na que participarán arredor de 30 asociacións e que terá lugar no centro cultural Fernando Casas e Novoa, en Sigüeiro, e que se inaugurará ás 20:00 horas. 

O acto contará coa presenza do actual presidente da Mancomunidade de Ordes, Manuel Regos, ademais dos alcaldes de cada un dos sete concellos que a compoñen.

Participantes
Nesta ocasión os participantes serán o Obradoiro Municipal de Traballos Manuais e Pintura do Concello de Cerceda, Obradoiro Municipal de Traballos Manuais do Concello de Frades, Obradoiro Municipal de Coiro e Custura do Concello de Mesía, Obradoiro Municipal de Debuxo e Pintura do Concello de Ordes, Unidade Galega de Veciños e Mulleres Rurais de Montaos (Ordes), Asociación de Amas de Casa e Consumidores de Ordes, Asociación Veciñal ‘O Cruceiro’ de Beán (Ordes), Curso de Habilidades Sociais para Persoas con Discapacidade de Ordes, e Obradoiros Municipais do Concello de Oroso.

Tamén as asociacións veciñais ‘Penateixa’, ‘Garga Trasmonte’e ‘Pena do Tesouro’ (Oroso), Asociación Andaina Pro Saúde Mental (Oroso),  Asociación de Mulleres ‘Pedralonga’ (Tordoia) e a Asociación de Mulleres de Trazo.

*

A ordense Ánxeles Rodríguez, campiona de España de Veteranas F55


A atleta ordense Ánxeles Rodríguez en Monzón (Huesca).
A atleta batiu tamén o récord nacional nesta categoría

A atleta ordense Ánxeles Rodríguez acadou a pasada fin de semana o título de Campiona de España Veteranas F55, obtido no Campionato de España Veteranas Combinadas, que tivo lugar na localidade de Monzón (Huesca). 

A ordense acadou 2860 puntos, batindo o récord nacional neta categoría.

*

Conta atrás para unha nova edición de Expo Ordes

Regos: "O ano pasado contabilizáronse máis de 36.000 visitantes, unha cantidade que esperamos superar nesta nova edición"

A Feira Multisectorial e de Maquinaria Agrícola Expo Ordes 2014 contará este ano arredor de 120 postos dedicados a diversas actividades como a alimentación, automoción, construción, moble, medio ambiente, deportes, mecánica, téxtil, institucións e asociacións, entre outros, estarán presentes na que está considerada como unha das citas empresariais máis importantes da provincia. 

O programa arrancará o venres 25 de abril coa inauguración do recinto feiral a partir das 21:00 horas. Un día dedicado especialmente aos empresarios e autónomos do municipio. 
 
Xornada do sábado
Ao día seguinte a xornada estará especialmente dedicada á diversidade funcional, á Mancomunidade de Municipios da Comarca de Ordes e, este ano como novidade destacada, ás cooperativas agrarias.  

Teñen confirmada a súa asistencia as cooperativas Xeira, A Capela, Frugal, Montecabalar, Queinaga, Bodegas Eidosela, Vicolago e Feiraco. A charanga Ruada.com será a encargada de animar esta xornada, ata que o recinto feiral peche ás 21:00 horas.
  
Degustación do champiñón

As portas volverán abrirse o domingo 27 a partir das 10:00 horas. A XXV Degustación do Champiñón En total estímanse que serán máis de 7.000 quilos os que se preparen. O grupo de gaitas Os Viqueiras de Ordes, a Banda de Música de Ordes e as charangas NBA e Mekánika axudarán a facer festa.

Manuel Regos, alcalde de Ordes.
A frase de Manuel Regos, alcalde de Ordes
“As cifras de Expo Ordes poñen de manifesto a saúde coa que conta a feira. O ano pasado contabilizáronse máis de 36.000 visitantes, unha cantidade que esperamos superar nesta nova edición”

*