Nova charla dos Venres Saudables: Fibromialxia

Terá lugar o vindeiro 26 de novembro ás 20:30 horas no salón de actos do Museo do Traxe Juanjo Liñares


O Concello de Ordes organiza unha nova charla de saúde dentro do seu programa Venres Saudables, que nesta ocasión abordará o trastorno da fibromialxia.


A Asociación Galega de Fibromialxia colabora co Concello de Ordes nesta iniciativa e será a súa presidenta, Mª Dolores Bermúdez Vázquez, a encargada de impartir a charla o vindeiro venres día 26 de novembro ás 20.30 h no Museo do Traxe Juanjo Liñares. No coloquio tamén participará o coordinador do Centro de Saúde de Ordes, o Dr. Jacobo Laya García aportando os seus coñecementos sobre o tema a tratar.

Podes ver a reportaxe que fixo Documentos TV para La 2 sobre a fibromialxia:



A frase de Xesús Pedreira, concelleiro de Sanidade de Ordes
“O obxectivo desta charla é o de servir de guía para todas aquelas persoas que padecen fibromialxia ou teñen algunha persoa moi achegada que padece este transtorno e intentar transmitir algúns consellos, recomendacións, estratexias, que a investigación psicolóxica demostrou son eficaces para a maioría das persoas que a padecen, e que poden axudarlle a convivir con esta enfermidade e, sobre todo, a vivir mellor a pesar de ela”

*

Pedreira: "As posibilidades de curar o cancro de mama dependen da precocidade no diagnóstico"

.
O Concello de Ordes conmemorará este luns o Día Nacional contra o Cancro de Mama cunha campaña informativa e preventiva sobre esta doenza que terá lugar ao longo de cinco días: do 19 ao 23 de outubro

Colaborará coa concellería de Sanidade, Emilia Vázquez, presidenta de AECC Ordes; e Jacobo Laya, responsable do centro de saúde

O obxectivo é que os veciños e veciñas se conciencien da importancia que ten a prevención temprana desta enfermidade

Así, durante todas as mañás, entre o 19 e o 23 de outubro, o Centro de Saúde de Ordes acollerá unha mesa informativa onde se resolverán todas as dúbidas das persoas que se acheguen por esta instalación sanitaria. Ademais, o venres 23 de outubro, ás 20:30 horas, a Casa da Cultura de Ordes acollerá unha charla sobre como previr o cancro de mama. Unha charla que este ano impartirá Marcos Calvo Martínez, psicólogo do Complexo Hospitalario Universitario de Santiago de Compostela, e que tradicionalmente é unha das que máis público reúne de cantas se celebran anualmente en Ordes. De feito, nas dúas últimas edicións o auditorio da Casa da Cultura mesmo se quedou pequeno para albergar a tantos asistentes.

Estas actividades están organizadas pola Concellería de Sanidade, en colaboración coa Asociación Española contra o Cancro (AECC) e o Centro de Saúde de Ordes. Xesús Pedreira agradece “a gran e sempre boa predisposición a colaborar neste tipo de campañas por parte da presidenta en Ordes da AECC, Emilia Vázquez Pardo, e o responsable do centro de saúde de Ordes, Jacobo Laya”.

As frases de Xesús Pedreira, concelleiro de Sanidade

“O noso obxectivo con esta campaña é que os veciños e veciñas de Ordes se conciencien da importancia que ten a prevención temprana desta enfermidade”

“A detección temprana é a mellor prevención, pois o cancro de mama é unha das poucas enfermidades cancerosas que se poden diagnosticar precozmente, é dicir, antes de que se note ningún síntoma”

Xesús Pedreira Mirás, ademais de tenente de alcalde de Ordes e concelleiro delegado de Medio Ambiente, Medio Rural e Sanidade dende maio de 2007, é Diplomado en Enfermería. É especialista en Análisis Clínicos no CHUS (Santiago de Compostela) e Presidente da Asociación Española de Enfermería (EAC). Foi presidente do Colexio de Enfermería de A Coruña, e é ademáis Técnico Superior en Prevención de Riscos Laborais e Experto universitario en Xestión de Residuos pola Universidade de Cádiz.

*

O Centro de Saúde convértese no único servizo de atención primaria da comarca

.
Xesús Pedreira: “Ordes consegue a máxima categoría, o que nos permitirá contar con todos os servizos posibles coma o Sintrom”

O Centro de Saúde de Ordes vén de recibir a confirmación da súa transformación en Servizo de Atención Primaria (SAP), polo que se converterá no “centro de referencia en toda a comarca de Ordes”, sinala o xefe de Servizo, Jacobo Laya. Deste xeito, o centro de saúde ordense pasa de ser unha Unidade de Atención Primaria (UAP) a converterse en Servizo de Atención Primaria, a única existente na comarca de Ordes.

Uns servizos que se sumarán a outros xa implantados, como a historia clínica informatizada, no que o centro de saúde ordense foi pioneiro na comarca de Santiago e que está permitindo mellorar a atención sanitaria dos veciños e das veciñas de Ordes.
.

Que supón ser SAP?
Esta transformación en Servizo de Atención Primaria supón que o centro ordense acadará o nivel organizativo superior de xestión, planificación e apoio fixado pola Consellería de Sanidade, de xeito que dependerá directamente da Xerencia de Atención Primaria e podería mesmo chegar a integrar a outras Unidades de Atención Primaria da comarca.

Un centro para 15.000 habitantes
O centro de saúde de Ordes ten asignada unha poboación de 15.000 habitantes. Ademais, neste centro tamén se atopa ubicado o Punto de Atención Continuada, que presta servizo de atención urxente a 25.000 habitantes dos concellos de Ordes, Tordoia, Mesía, Trazo e Frades. Ademais, no centro de saúde existen outros servizos complementarios como farmacéutica, matrona, fisioterapia e odontoloxía.

*