Haberá diferentes exposicións, cabalos, comparsas, degustación de lacón con grelos, verbenas e unha homenaxe ao presidente da Asociación de Veciños do Mesón do Vento
Xa está todo preparado para celebrar a próxima fin de semana unha nova edición, e xa van doce, da Festa do Lacón con Grelos de Mesón do Vento. O Concello de Ordes ten preparado un amplo programa festivo que dará comenzo o sábado 13 ás 10 da mañá coa apertura do recinto feiral onde se poderá disfrutar xa da exposición de gando de razas autóctonas e da mostra de maquinaria.
A xornada do sábado rematará cunha verbena a cargo da orquestra feminina 'Estrellamar' a partir das 20 horas.
Degustación gratuíta do lacón con grelos
Na xornada do domingo día 14 o recinto feiral volverá a abrirse ás 10 horas. Nesta xornada haberá degustación gratuíta de lacón con grelos nos establecementos da zona, así como unha gran concentración moteira.
Aínda así, o gran atractivo deste día correrá a cargo da concentración cabalar. Unha concentración que incluirá ademais a partir das 11 horas un concurso de estampa e beleza galega, ás 12 unha proba de andadura federada galega de 2 e 4 tempos, ás 15:30 horas unha carreira de trotóns, ás 16:30 horas unha proba de trote libre e ás 17 horas unha proba de arrastre con gando vacún.
O programa festivo complétase tamén cunha homenaxe a Ramiro Martínez García, presidente da Asociación de Veciños Mesón do Vento ás 14 horas que irá seguida dunha sesión vermú que correrá a cargo da orquesta Fania, que será tamén a encargada de amenizar a verbena nocturna a partir das oito da tarde para poñer broche final á festa.
A frase de José Luis Gómez Candal, concelleiro de Promoción Económica, Turismo, Mercados e Exposicións
“Esta festa xa é todo un referente no calendario festivo do municipio e que ano tras ano conseguimos que teña un maior éxito, esperando que nesta ocasión tampouco defraude”
