 |
| As Noites sicoeducativas pretenden alonxar á mocidade do consumo do alcol durante as fins de semana. |
A pasada fin de semana deu comezo a segunda edición das Noites do Programa Faro, financiadas pola Deputación e organizadas polo Concello de Ordes, a través da Concellería de Servizos Sociais e Terceira Idade que dirixe José Manuel Tobío.
Cuarenta e catro rapaces e rapazas entre 12 e 18 anos participaron nas actividades programadas na noite do sábado, rachando co mito de que para divertirse hai que consumir alcol.
Están programados outros dous días, os sábados 14 e 21 de maio, entre as 21:30 a 0:30 horas da noite no pavillón municipal do Paraíso. Algunhas das actividades previstas son: grafitti, elaboración de cócteles sen alcol, obradoiro de maxia, misión imposible, etcétera.
Participación gratuíta
A mocidade que queira participar aínda está a tempo de facelo, ata o venres anterior a cada sábado programado. A participación é gratuíta.
Para a inscrición ou máis información: Concellería de Servizos Sociais do Concello de Ordes: Alfonso Senra, 108 Ordes. O seu teléfono é 981680002 / 627983619.
*
