 |
| Xesús Pedreira Mirás. |
O concelleiro socialista Xesús Pedreira pedirá ao pleno municipal de Ordes, que se reunirá en sesión ordinaria o vindeiro xoves 24 de novembro, que faculte ao alcalde para exercitar as accións legais que procedan na defensa dos dereitos sociais dos veciños de Ordes diante dos recortes realizados pola Xunta no Plan Concertado. Xesús Pedreira considera que “os recortes que se teñen experimentado por parte da Consellería de Traballo e Benestar están a asfixiar a concellos como Ordes e, o máis importante, a veciños que precisan deste plan para vivir nunhas mínimas condicións de benestar”.
Neste sentido, Pedreira Mirás lembra que “nas prestacións básicas de Axuda no Fogar, servizo que Ordes presta mancomunado xunto a Frades e Oroso, reduciuse nun 89% o seu importe e na Lei de Dependencia o recorte é do 60% a todos os concellos da comarca de Ordes. De non rectificar, isto suporía a morte dos servizos sociais municipais”.
Por iso, os socialistas de Ordes pedirán ao pleno municipal a aprobación dunha moción na que se solicite á Xunta de Galicia a rectificación das súas aportacións ao Plan Concertado para que estas volvan, cando menos, a niveis de cobertura orzamentaria semellantes ao ano 2009 e garantan o mantemento dos programas e actuacións vixentes dende entón.
Agradecemento
*
