O Partido Popular de Ordes súmase ao "cambio" de Mariano Rajoy

Martínez Sanjurjo será o presidente do comité de campaña do PP de Ordes.

Os populares ordenses, moi ilusionados" por "contribuir a que un galego sexa o próximo presidente do Goberno de España"

O Partido Popular de Ordes celebrou onte a tradicional pegada de carteis como comezo da camapaña electoral mandando unha mensaxe de "cambio" e "ilusión" por "contribuír" a que un galego e compostelán como Mariano Rajoy "sexa o próximo presidente do Goberno".

O portavoz municipal do PP de Ordes, José Luis Martínez Sanjurjo, que participa nas listas que encabeza Antonio Erias pola provincia da Coruña ao Congreso dos Deputados, presidirá o comité de campaña dos populares ordenses que estará integrado por unha trintena de persoas.

Sanjurjo xa adiantou que a campaña será "austera e porta por porta", co obxectivo de explicar aos veciños de Ordes que hai "razóns para a esperanza".

Afiliados, dirixentes e simpatizantes do Partido Popular, esta noite na Alameda de Ordes. 

As frases de José Luis Martínez Sanjurjo, portavoz municipal do PP de Ordes
"Un goberno en Madrid dun galego coma Mariano Rajoy traerá sen dúbida a estabilidade que España necesita para traballar por sacar ao noso país desta crise económica"

"A mellor política social que existe será a que poña en marcha un goberno do Partido Popular en Madrid: a da creación de emprego que é a que sosterá e viabilizará o noso sistema de bienestar"

*