 |
| Gonzalo Castro, portavoz do BNG de Ordes. |
Castro: "Este asunto podería terse tratado no pleno de setembro e non gastar agora outros 2.500 euros que é o que custa a celebración dun pleno municipal en Ordes"
Gonzalo Castro, portavoz municipal do BNG de Ordes acusou onte ao alcalde, Manuel Regos, de “intentar ocultar aos veciños o debate da conta xeral e da suba das taxas municipais, convocando un pleno extraordinario para o venres 7 ás 09:00 horas das mañá, cando debía telos incluido no pleno ordinario celebrado este xoves, ás 20:00 horas”.
Para o portavoz nacionalista resulta evidente que “o alcalde non incluiu a conta xeral no pleno ordinario de setembro, celebrado o xoves, para evitar que os veciños e veciñas de Ordes poidesen asistir ao debate e coñecesen a nefasta xestión realizada polo goberno municipal, tal e como se constata nun informe da Intervención municipal do Concello de Ordes, informe que forma parte da documentación da conta xeral de 2010” .
“O alcalde convoca unha semana despois deste pleno ordinario, outro pleno extraordinario, ás 09:00 horas, para evitar tanto a asistencia de público como o seguimento do pleno pola radio polos veciños e veciñas de Ordes, ao tratarse de horario laborábel”.
“Esta actitude do alcalde convocando un pleno extraordinario tan só sete días despois de terse celebrado o pleno ordinario de setembro, onde podían terse tratado todos os asuntos, vai costarlle aos veciños e veciñas de Ordes 2.500 euros das arcas públicas, nun despilfarro que só é consecuencia da actitude irresponsábel e caprichosa de Manuel Regos ”.
“A situación de Ordes é insostíbel, cun alcalde unicamente preocupado de evitar que os veciños coñezan a situación real do Concello, e un goberno municipal que leva máis de cen días de vacacións”.
*
