Preto de 300 ordenses participan nestas actividades que deron comenzo esta semana
O debuxo e pintura e o oiga son as propostas que maior interese despertaron
O Concello de Ordes puxo en marcha esta semana un novo programa de obradoiros culturais e deportivos para o curso 2010- 2011. Un programa deseñado polo departamento de Cultura e Deportes, e que conta cun gran éxito de participación por parte dos veciños e veciñas.
Así, son preto de 300 os ordenses que formularon a súa inscrición nas diferentes actividades enmarcadas dentro deste programa, cuxas clases deron comenzo esta semana. Unhas clases entre as que se encontran cursos de debuxo, bailes de salón, ioga, ximnasia de mantemento, aeróbic e patinaxe.
Concretamente, en ioga participan 61 persoas, repartidas en tres grupos, que teñen as súas clases os luns e mércores de 19 a 22 horas, (unha hora cada grupo). En ximnasia de mantemento participan 21 persoas os martes e xoves de 19:30 a 20:30 horas, en aeróbic outras 20 persoas tamén os martes e xoves de 20:30 a 21:30 horas e en patinaxe 22 participantes os mércores e venres de 18 a 19:30 horas no pavillón Campomaior.
Podes recibir a túa primeira clase de ioga facendo clic baixo estas liñas:
Bailes de salón
Tamén contan cun gran éxito de participación as clases de bailes de salón nas que participan 44 persoas repartidas por parellas que aprenden a arte do baile os venres de 21 a 23 horas. E por último as clases de debuxo e pintura son as que contan cun maior número de participantes, máis dun cento entre nenos e adultos, que se reparten entre as clases das tardes dos venres e as das mañás dos sábados.
Ximnasio municipal
Por outra parte tamén se puxo en funcionamento o ximnasio municipal, ubicado no pavillón Castelao e que ten un horario de apertura de luns a venres de 18:30 a 22:30 horas. Todos aqueles que queiran facer uso do mesmo poderán facer as súas inscricións durante todo o ano.
As instalacións do ximnasio permanecen abertas de outubro a xuño, ambos meses incluídos.
*
