A concelleira do BNG asegura que "o goberno gastou un millón de euros nunha obra que non serviu para evitar os cortes da estrada N-550 durante as festas patronais"
A concelleira nacionalista de Barbeiros ven de acusar ao goberno municipal de “despilfarrar case un millón de euros na ampliación da alameda”, e que o diñeiro destinado a súa ampliación "non serviu para o obxectivo con que o anunciou o goberno, que era o de evitar os cortes da N-550 durante as festas patronais, ao ser imposible a instalación nese espazo dos palcos das orquestras”.
Para Raña, estes cartos "estarían mellor invertidos en actuacións que permitirían crear emprego en Ordes, como un viveiro de empresas ou a modernización da praza de abastos, ou mesmo en obras como a do local de ensaio para os grupos musicais ou o Centro de Día para os nosos maiores".
As frases de María Xosé Raña, concelleira do BNG de Ordes"O goberno municipal, coa súa improvisación, acaba de tirar un millón de euros dos veciños e veciñas de Ordes, para unha obra absolutamente inservible, e que incluso ten causado un perxuizo ao entorno da alameda e o parque, suprimindo un amplo espazo destinado a aparcamento”
“O BNG xa advertiu ao goberno de que o espazo da ampliación da alameda non ía servir para instalar os palcos das orquestras, e que o que había que facer era negociar co Ministerio de Fomento o corte da N-550 durante as festas, de xeito que se perxudicase o menos posíbel a circulación viaria”
*
