Ao longo das 150 horas lectivas aprenderán, entre outros recursos, a crear un plan de empresa
Un total de doce emprendedores de Ordes e Oroso participan nun curso de creación de empresas convocado polo Concello de Oroso no marco da Rede Xiana, programa dependente da Deputación da Coruña. Trátase dun curso de 150 horas lectivas, presenciais e on-line, que pretende fomentar o desenvolvemento de iniciativas emprendedoras entre os desempregados, que reciben a formación precisa para transformar as súas ideas de empresa en proxectos reais.
O telecentro de Sigüeiro acolleu onte martes a primeira xornada presencial deste curso. Ao longo de oito horas, os alumnos comezaron a coñecer os recursos existentes e os pasos a dar para a posta en marcha das súas ideas empresariais. Ao longo dos vindeiros días, estes doce emprendedores aprenderán a elaborar un plan de empresa.
*
