viernes, 4 de marzo de 2011

Máis de 200 atletas participarán este domingo no III Cross Ambiental

Estará precedido dun canicross puntuable para a Liga Galega

Este domingo día 6 de marzo o municipio ordense acollerá o III Cross Ambiental Concello de Ordes “Memorial Estebo Jose”, que incluirá tamén unha proba de canicross puntuable para a Liga Galega. Unha cita deportiva, organizada polo Clube Atletismo Ordes e que conta coa colaboración do Concello e na que partiparán máis de 200 atletas.

A primeira das probas que se disputará será a de canicross a partir das 10:15 horas, unha proba dunha distancia de 8.500 metros e que será puntuable para a Liga Galega.

Tras esta proba seguirán as do resto das categorías, que irán dende os 0 anos a máis de 65, e que suporán o percorrido de diferentes distancias dependendo da categoría. Todas as saídas realizaranse dende o Campo da Feira.

*