 |
| De esq. a der. Adolfo Reymóndez, presidente de Cidadáns de Galicia (CideGa), Ana Álvarez, candidata de CideGa á alcaldía de Ordes, e Xesús Pampín. |
O seu obxectivo é poñer a Ordes na senda do crecemento, do benestar social e do emprego
Dende o pasado venres, a empresaria ordense e ex concelleira socialista Ana María Álvarez xa é a candidata oficial de Cidadáns de Galicia (CideGa) á alcaldía de Ordes. Ante uns 500 veciños reunidos no restaurante El Túnel segundo cálculos de CideGa, a candidata expuso as liñas mestres dun programa electoral baseado no compromiso do seu partido coa cidadanía ordense, coa súa identidade e independencia e cun trato directo entre os representantes políticos e os veciños.
Álvarez estivo acompañada polo presidente do seu partido, o médico do centro de saúde de Ordes, Adolfo Reymóndez, e polo economista e tamén ex concelleiro socialista Xesús Pampín. Ambos tamén interviron con palabras de esforzo e entrega por poner a Ordes no senda do crecemento, do benestar social, do emprego e da recuperación económica.
 |
| Segundo CideGa, foron en torno ás 500 persoas quenes se achegaron ao salón de actos de El Túnel para coñecer a candidatura de Ana María Álvarez á alcaldía de Ordes. |
En palabras de Álvarez, “Cidadáns de Galicia demostrará aos veciños de Ordes unha nova forma de traballar na que terán participación todas as asociacións e agrupacións do municipio, ademais de todos os estractos sociais, escoitando as necesidades e suxerencias de cada veciño de Ordes”.
Nunha sala que se quedou pequena para coñecer a nova candidatura, a empresaria emplazou aos veciños a que coa súa confianza e apoio, “fagan que de unha vez por todas, Ordes se convirta nun municipio que todos os veciños e veciñas esperan, un municipio no que vivir e traballar”.
A frase de Ana Alvarez , candidata de CideGa á alcaldía de Ordes
"Non queremos pedir o voso aplauso, senón a vosa confianza. O noso goberno só pode existir cosa vosa axuda. Si queredes cambiar Ordes fagámolo entre todos"
*
