domingo, 6 de marzo de 2011

Asi, non!

Aspecto dos contedores da acera da rúa Nova esquina Mundito esta mesma mañá. 

Hoxe deixaron varios resíduos voluminosos á beira dos contedores da rúa Nova esquina Mundito

Este tipo de resíduos debe ser levado ao punto limpo de O Balado 

Esta mañá fumos testemuñas dun uso totalmente inadecuado dos contedores de recollida de resíduos orgánicos na rúa Nova esquina con Mundito. Como se aprecia na fotografía, a lo menos un veciño da vila foi quen de depositar á beira do contedor verde dous vellos televisores, e xunto ao amarelo de recollida selectiva de plásticos e bricks, depositáronse varios paquetes voluminosos de cartón.

Este feito constitúe un ilícito xa que este tipo de resíduos debe ser levado a un punto limpo de recollida selectiva.

Que é un punto limpo?
É unha instalación de recollida selectiva e depósito transitorio de residuos sólidos urbáns xerados por particulares que polo volume ou peligrosidade dos mesmos non poden ser depositados nos contedores de resíduos orgánicos de recollida tradicional de lixo.

Que é o que non podo tirar ao contedor de recollida de lixo da miña acera?
Non debes tirar, e polo tanto deberás levar ao punto limpo de Ordes os seguintes resíduos: Papel, cartón, vidro, plásticos e bricks, latas, restos metálicos, electrodomésticos, embalaxes, madeira, restos de poda, pintura, pilas e baterías, medicamentos, roupa e calzado vello, tubos fluorescentes e bombillas, aerosoles e esprais, aceite vexetal, escombros domésticos e plásticos agrícolas.

Onde está o punto limpo de Ordes?
No lugar de O Balado, xunto ao cemiterio municipal. O seu teléfono é 981 693072.

Que horario ten?
De luns a venres de 16:00 h. a 20:00 h. e sábados de 10:00 a 14:00 h.

Que custe ten?
O uso do punto limpo polos veciños de Ordes é completamente gratuíto.

*