Un cento de escolares participaron na plantación de Vilamaior
O Concello de Ordes conmemororou o luns o Día Mundial Forestal cunha nova xornada do Día da Árbore en colaboración con Sogama. Así dende as concellerías de Medio Ambiente, Medio Rural e a concellería de Educación, organizouse unha plantación de árbores na que participaron un cento de escolares ordenses, concretamente dos centros Castelao, Campomaior e Mesón do Vento.
O acto, no que se plantaron 50 exemplares entre castiñeiros e carballos, tivo lugar no terreo contiguo ó local social da parroquia de Vilamaior e nel participaron tamén o alcalde, Manuel Regos, o edil de Medio Ambiente, Xesús Pedreira e o concelleiro de Obras e Urbanismo, Roberto González.
*
