Lembran que foi a través dunha proposta da alcaldía o acordo plenario de instar á Xunta de Galicia a retirada da normativa
O goberno local do Concello de Ordes insiste na súa oposición á Lei de Augas de Galicia, ante o que consideran unhas declaracións demagóxicas do BNG local ao acusar ao alcalde de “pasividade” ante o asunto.
Así, dende o grupo de goberno lembran que foi a través dunha proposta da alcaldía, presentada e aprobada no pleno do pasado 27 de xullo de 2010, cando se acordou instar á Xunta a que retirasen esta lei.
Panfletos repartidos polo municipio
O goberno local lamenta que dende o BNG, segundo manifestacións propias, estean a utilizar de maneira electoralista esta cuestión utilizando a demagoxia ao acusar ao alcalde nuns panfletos repartidos polo municipio, de “pasividade” ante este tema, cando foi precisamente unha proposta da alcaldía a que se aprobou en pleno para pedir ao goberno autonómico a retirada desta lei.
*
