O Concello responde á gran demanda de coñecementos informáticos

Grupo de participantes no curso de perfeccionamento de Windows XP do Concello de Ordes.

Vintedous ordenses darán comenzo o vindeiro xoves a un curso de iniciación a internet e correo electrónico

Onte entregáronse os diplomas doutros dous cursos, un de iniciación e outro de perfeccionamento de Windows XP


 O Concello de Ordes dará comenzo o vindeiro xoves a un novo curso de informática no que participarán un total de 22 alumnos e alumnas do municipio. Concretamente, trátase dun curso no que os participantes aprenderán a utilización de internet e o correo electrónico. Os alumnos repartiranse en dous grupos, tendo lugar as clases os luns e xoves, un grupo de 18:00 a 19:00 horas e o outro de 19:00 a 20:00 horas, na aula de informática da Casa da Cultura.

Un grupo de participantes no curso de iniciación a Windows XP do Concello de Ordes.

Novos cursos
Por outra banda, onte pola noite dábanse por finalizados outros dous cursos de informática, un de iniciación e outro de perfeccionamento de Windows XP nos que participaron un total de 20 persoas.

Dada a demanda rexistrada e a petición dos alumnos do curso de iniciación, o Concello convocará un novo curso de perfeccionamento, para o que as persoas que estean interesadas todavía poden informarse no departamento de Cultura e Deporte do Concello de Ordes que dirixe o edil José Ramón Vázquez Raña.

As datas de celebración todavía están por confirmar.

*