A parroquia de Parada abrirá este sábado 5 de marzo, as celebracións do Entroido 2011 de Ordes cunha verbena de disfraces na que a Orquestra Panorama presentará a súa xira Planet Tour 2011. Tamén está prevista a actuación do Grupo Master o primeiro día de entroido. A organización instalará unha gran carpa para blindar a celebración fronte a calquera tipo de inclemencia meteorolóxica.
Recadar fondos
Os organizadores agardan que esta cita festiva sirva tamén para recadar fondos para novos encontros festivos da parroquia de Parada, como a Festa da Xuventude, prevista para o luns 16 de maio, véspera do Día das Letras Galegas; e as Festas parroquiais de Santa Mariña.
*
