lunes, 7 de marzo de 2011

O marroquí Essaadaqui gaña o III Cross Ambiental Concello de Ordes

Akka Essadaqui (no medio), gañador da proba, xunto a Luis Alfonso Novo (2º) e Juan Carlos Barros (3º).
Houbo trofeos e premios en metálico para os tres primeiros clasificados

O corredor marroquí Akka Essaadaqui, de 31 anos, proclamouse na mañá de onte campión absoluto do III Cross Ambiental Concello de Ordes organizado polo Clube de Atletismo Ordes coa colaboración do Concello. Xunto ao campión, subiron ao podio os atletas Luis Alfonso Novo Veiga e Juan Carlos Barro Rochela, segundo e terceiro clasificado, respectivamente.

Saída da proba na categoría absoluta.
Canicross
Houbo trofeos para os tres primeiros clasificados de cada categoría, e premios en metálico para os tres primeiros das categorías femenina e masculina da carreira absoluta e da proba de canicross. Ademais tamén se entregaron medallas para os participantes de 0 a 8 anos e camisetas e unha entrada para o Museo do Traxe Juan José Linares para todos os participantes.

Momento da saída das categorías infantís.
Os encargados de facer entrega dos trofeos aos gañadores de cada unha das categorías foron o concelleiro de Promoción Económica, Turismo, Mercados e Exposicións, José Luis Gómez Candal e a concelleira de Educación, Mocidade e Discapacidade do Concello de Ordes, Silvia Marín.

*