Un total de 120 ciclistas participaron esta mañá na segunda edición do “Día da Bicicleta” organizado polo Concello. Un total de 50 pequenos participaron na primeira das rutas, que incluíu un percorrido dun quilómetro polas rúas máis céntricas da vila. Media hora máis tarde, saíu a segunda das rutas, na que estaba inicialmente previsto facer un percorrido de 21 quilómetros polas rúas de Ordes e por parroquias cercanas como Buscás. Finalmente, e debido ao gran número de rapaces novos que tomaba parte nesta iniciativa, a organización decidiu recortar a proba en seis quilómetros.
Unha vez finalizadas as rutas, o Concello sorteou dúas bicicletas e un casco, cedidos por Sogama e por Reale Seguros. O casco foi para Yolanda Rodríguez, mentras que as dúas bicis foron para Pedro Pose e David Picón. Uns premios que foron entregados polo alcalde en funcións de Ordes, Xesús Pedreira, e polo concelleiro de Deportes, Ramón Vázquez. Así mesmo, todos os participantes na proba recibiron unha camiseta conmemorativa de agasallo, así como pastelitos e refrescos unha vez rematadas as probas.
Ciencia DivertidaParalelamente, a carpa instalada na alameda acolleu dúas sesións dun obradoiro do programa “Ciencia Divertida”, denominado “Mobilidade Sostible”. A través de divertidos xogos, as dúas monitoras ensináronlles a un total de 71 nenos o modo no que contaminan os coches e explicáronlles as vantaxes que ten para a saúde o uso da bicicleta como medio de transporte e a importancia das enerxías renovables.
Outro dos divertidos experimentos foi o do fomento das enerxías renovables, nos que os pequenos aprenderon que con enerxía solar se poden recargar as pilas dos seus xoguetes e mesmo como funciona a enerxía eólica.
Outro dos divertidos experimentos foi o do fomento das enerxías renovables, nos que os pequenos aprenderon que con enerxía solar se poden recargar as pilas dos seus xoguetes e mesmo como funciona a enerxía eólica.
*
