Mañá se abren as portas dun novo Parque Félix Rodríguez de la Fuente

Renováronse os xogos para adaptalos á normativa europea de seguridade

Mañá venres terá lugar a apertura do novo parque Félix Rodríguez de la Fuente tralas obras levadas a cabo no mesmo. Estas obras consistiron na renovación do peche, melloras no entorno, así como a colocación de novos xogos que sustitúen aos anteriores, e que están adaptados á normativa europea de seguridade, así como a colocación de caucho no chan.

A frase de Manuel Regos, alcalde de Ordes
"O resultado das obras conleva o máis importante, que é a seguridade dos nenos e nenas do municipio cando disfrutan dos xogos do parque"

As frases de Xesús Pedreira, concelleiro de Medio Ambiente, Medio Rural e Sanidade de Ordes
"Con estas obras o parque queda totalmente renovado, solventando todas as deficiencias que se podían encontrar neste momento nesta área de xogos, contribuindo así a que os nenos e nenas do municipio conten cun espazo seguro e adaptado a todas as necesidades".

"Tamén se mellorou a accesibilidade da zona contando con xogos que están adaptados para poder participar nenos e nenas que conten con algún tipo de discapacidade"

Foto: Aspecto que ofrecía esta tarde o parque Félix Rodríguez de la Fuente.

*