Ordes viviu unha fin de semana chea de música coa celebración do Día da Muiñeira e o Día das BandasOrdes segue a sumar actos culturais ao seu verán, e esta fin de semana tivo á música como protagonista. Así o sábado celebrábase o Día da Muiñeira e a tarde do domingo o Día das Bandas, dúas celebracións que encheron a Alameda de veciños e visitantes.
En canto ao Día da Muiñeira, nel participaron catro agrupacións, a Agrupación Folclórico- Cultural Sementes do Arte de Ordes, o Grupo de danzas da Asociación Cultural Veciños de Leira, a Agrupación Folclórico Cultural San Martiño de Cerceda e Os Xeitosos de Trazo.
Día das BandasPor outra parte o Día das Bandas, celebrado na tarde do domingo tamén contou cun gran éxito, sendo nesta ocasión a Banda de Música de Agolada e a Banda de Música de Ordes as que foron protagonistas no escenario.
Foto arriba: Momento de baile de Muiñeiras na Alameda ordense.
,
Foto abaixo: O concelleiro de Cultura e Deportes de Ordes, José Ramón Vázquez Raña, xunto a Fernando Gontad, director da Banda de Música de Ordes e Nilo Jesús García Armas, director da Banda de Música de Agolada.
*
