Máis de medio cento de nenos ordenses participan nas actividades de conciliación organizadas pola concellería de Educación
Co fin de facilitar a conciliación da vida laboral e familiar das familias ordenses
Coa chegada do Nadal o Concello de Ordes puxo en marcha, a través da concellería de Educación, Mocidade e Discapacidade, que dirixe Silvia Marín, unha nova edición do programa “Conciliar será fácil e divertido”.
Unha nova edición que daba comenzo o pasado día 23 de decembro e na que participan máis de medio cento de nenos e nenas ordenses. Trátase de actividades dirixidas aos pequenos do municipio nas mañás das vacacións de Nadal, co fin de facilitar a conciliación da vida laboral e familiar das familias, á vez de que os nenos e nenas participantes teñan un tempo de diversión e ocio con xogos e obradoiros.
As actividades terán lugar ata o 7 de xaneiro en horario de 9 a 14 horas e están dirixidas a nenos e nenas escolarizados en educación infantil ou primaria no curso 2010/2011, que deberon realizar a súa inscrición con anterioridade.
A frase de Silvia Marín, concelleira de Educación de Ordes
"Con estas actividades procuramos facilitar ás familias ordenses a conciliación entre o traballo e a vida familiar nuns días nos que os pequenos teñen vacacións escolares o que dificulta aos pais o seu coidado ao ter que compaxinalo co seu traballo”
*
