Ordes conta cun novo dispositivo para facilitar a accesibilidade de persoas con discapacidade á piscina municipal climatizada 'Iván Raña Fuentes'A piscina climatizada 'Iván Raña Fuentes' conta xa cun dispositivo elevador para axudar ás persoas con mobilidade reducida. O pasado venres, o alcalde Manuel Regos visitou as instalacións co fin de comprobar o funcionamento deste mecanismo.
Trátase dun elevador que ten como finalidade facilitar a accesibilidade á piscina de persoas discapacitadas, axudándoas de maneira mecánica a que se poidan sumerxir na auga. Un novo dispositivo, que tal e como explicou o alcalde “esperamos sirva para que estas persoas con algún tipo de discapacidade poidan utilizar a piscina climatizada facilitando o seu acceso á mesma”.
Regos insistiu no empeño do goberno local que dirixe pola eliminación de todo tipo de barreiras para este colectivo, así como en poñer nas súas mans todas as ferramentas posibles para a súa mellor integración, polo que asegurou “seguimos traballando”.
Foto: O alcalde de Ordes, Manuel Regos, xunto cos concelleiros de Educación e Discapacidade, Silvia Marín, e Cultura e Deportes, Ramón Váquez Raña o pasado venres na piscina climatizada 'Iván Raña Fuentes'.
*
