O cemiterio acolleu un ano máis a homenaxe ao 'Soldado Lois'
O Concello de Ordes, en colaboración coa Infantería de Marina do Tercio Norte do Arsenal de Ferrol celebrou, un ano máis no municipio, os actos de homenaxe ao Cabaleiro Laureado Manuel Lois García, 'Soldado Lois'.
Os actos, que estiveron presididos polo alcalde, Manuel Regos e o Coronel- Comandante do Tercio Norte, Ramón Piñeiro, deron comenzo coa celebración dunha misa de campaña no cemiterio de Ordes.
Trala misa fíxose unha ofrenda floral ante a tumba do 'Soldado Lois', ao que seguiu un concerto da Banda de Música da Infantería de Marina do Tercio Norte no auditorio da Casa da Cultura ordense.
Centos de veciños participaron na homenaxe
Nos actos participaron, ademais dos membros da Infantería de Marina do Tercio Norte do Arsenal de Ferrol, membros da corporación municipal do Concello de Ordes e da Garda Civil, centos de veciños e veciñas que se quixeron sumar así á homenaxe ao 'Soldado Lois'.
Anteriormente a estes actos, nunha recepción no Concello ás autoridades, o Coronel- Comandante do Tercio Norte quixo destacar a figura deste soldado ordense, así como a súa hazaña a bordo do buque Cruceiro Baleares en 1937 que o levou a ser condecorado coa Cruz Laureada de San Fernando.
*
