Unha vintena de veciños participaron nunha xornada de sendeirismo por San Paio e Outeiro
Unha vintena de ordenses participaron o pasado sábado na primeira das camiñatas organizadas a través do programa Voluntariado Verde polos roteiros do municipio que terán lugar os sábados de novembro.
Nesta ocasión a andaina fíxose polo roteiro de San Paio e Outeiro, recentemente inaugurado e que pasa polas parroquias de Buscás e Poulo. De cara a próximas citas os sábados día 13 e día 27 de novembro realizarase o roteiro do río Mercurín, e o día 20 repetirase o de San Paio e Outeiro.
Todas aquelas persoas interesadas en participar poden facelo de forma totalmente gratuíta debendo inscribirse antes do xoves anterior á celebración de cada roteiro no departamento de Medio Ambiente do Concello de Ordes, chamando ao teléfono 981 680002.
*
