Trátase de dous cursos de español, un de orientación académica e laboral e outro de fomento das redes sociais para os que está aberto o prazo de inscrición
As persoas interesadas poden inscribirse no Centro de Información á Muller ou chamando ao teléfono 981680002
O Concello de Ordes porá en marcha unha serie de cursos dirixidos á poboación inmigrante, uns cursos realizados en colaboración coa ONG Ecos do Sur, e que contan co financiamento da Secretaría Xeral de Emigración e o Ministerio de Traballo e Inmigración.
Trátase concretamente de dous cursos de español, un curso de orientación académica e laboral e outro de fomento das redes sociais.
En canto aos cursos de español, o primeiro deles, de nivel básico estará dirixido a mulleres inmigrantes, tendo lugar as clases dende o 16 ao 24 de novembro de 10 a 13 horas na Casa da Cultura de Ordes.
O outro dos cursos de español será de nivel intermedio, dirixido á poboación inmigrante en xeral, e desenvolverase do 19 ao 29 de novembro de 18:30 a 21:30 horas no local social de ADISCORDES, ao lado da Casa da Cultura.
Por outra banda, o curso de orientación académica e laboral, dirixido ás mulleres inmigrantes, celebrarase do 19 ao 29 deste mes en horario de mañá, e tamén para este colectivo estará dirixido o curso de fomento de redes sociais, que contará con clases presenciais os días 20 e 27 de novembro de 10 a 14 horas e o 26 do mesmo mes de 17 a 21 horas, no local social de ADISCORDES.
A frase de Xosé Manuel Tobío, concelleiro de Servizos Sociais e Terceira Idade de Ordes
"O obxectivo que se persigue coa celebración destes cursos “é conseguir e facilitar a integración sociolaboral do colectivo inmigrante residente no noso municipio”.
*
