A presidenta do Parlamento púxose en contacto telefónico con Martínez Sanjurjo para expresarlle a súa solidariedade persoal e da institución
A presidenta do Parlamento de Galicia, Pilar Rojo Noguera, condenou o atentado rexistrado esta pasada madrugada pola sede local do Partido Popular de Ordes e reitera que calquera forma de violencia carece de espazo na Comunidade Autónoma.
A titular do lexislativo autonómico telefoneou esta mañá ao portavoz municipal do PP de Ordes, José Luis Martínez Sanjurjo, para trasladarlle a súa solidariedade persoal e da institución que preside.
Rojo Noguera fai votos para que os autores e desta e doutras explosicións que se teñen rexistrado en Galicia acaben sendo detidos e postos a disposición xudicial e se aplique sobre eles todo o peso da lei.
