Medio cento de rapaces participaron na xornada conmemorativa do Día Mundial da Auga A exposición “Un mundo de auga” poderá visitarse na Casa da Cultura de Ordes ata o vindeiro 10 de abril
Medio cento de rapaces e rapazas do IES Maruxa Mallo, de entre 12 e 13 anos de idade, participaron hoxe mércores na xornada “A auga e nós: un equilibrio vital”, organizada polo Concello de Ordes. Unha xornada celebrada na Casa da Cultura e que estivo presidida polas concelleiras de Educación, Silvia Marín, e Terceira Idade, Ana Álvarez.
A mostra ofrece, a través de varios paneis gráficos, información sobre a importancia da auga no comezo da vida e no desenvolvemento dos seres humanos, as características dos ecosistemas acuáticos (ríos, lagos ou gándaras) ou como a acción humana ten degradado o ciclo da auga, tanto en cantidade coma en calidade. Unha exposición que poderá visitarse na Casa da Cultura ata ao venres 10 de abril.
"Que me dis de...a auga"Os rapaces asistiron tamén á presentación do libro “Que me dis de... a auga”, editado por Nova Galicia Edicións. Carlos del Pulgar Sabín, editor de Nova Galicia Edicións, sinalou que este traballo forma parte dunha liña editorial iniciada en 2005 e que pretende “tratar temas de actualidade dende un punto de vista didáctico e aportar solucións aos problemas do día a día empregando unha linguaxe actual”.
A xornada rematou cunha conferencia titulada “A auga e nós: un equilibrio vital”, a cargo de Verónica Campos García e Andrés Burgos Delgado, educadores ambientais do CEIDA. Nela, explicaron a importancia dun consumo responsable do auga e do papel fundamental da mesma para o mantemento da vida no planeta.
A xornada rematou cunha conferencia titulada “A auga e nós: un equilibrio vital”, a cargo de Verónica Campos García e Andrés Burgos Delgado, educadores ambientais do CEIDA. Nela, explicaron a importancia dun consumo responsable do auga e do papel fundamental da mesma para o mantemento da vida no planeta.
A frase de Silvia Marín, concelleira de Educación de Ordes
“Gran parte da poboación mundial non dispón dun recurso básico e que ás veces nós non lle damos a importancia que ten porque é de doado acceso"
*
