O alcalde preside os actos de conmemoración do Día Internacional da DiscapacidadeBaixo o lema 'Xuntos, nada máis', o Concello sumause onte á conmemoración do Día Internacional da Discapacidade facendo acto de entrega a un grupo de escolares do municipio dun libro recopilatorio de todos os traballos presentados no Certame Infantil de Contos sobre Discapacidade convocado polo Concello.
Os encargados de repartir estos libros polos colexios Campomaior, Castelao e Mesón do Vento, foron o alcalde, Manuel Regos; a concelleira de Discapacidade, Silvia Marín; o presidente de Adiscordes, Antonio Morán; e o mozo ordense, membro de Adiscordes, Fran Viqueira, que respondeu ás preguntas dos pequenos acerca da súa discapacidade.
Pioneiros na creación dunha concellaría de Discapacidade
Tras a visita ás escolas, o acto central da xornada tivo lugar na Casa do Concello. Regos fixo fincapé na importancia deste día para demostrar que “todo o mundo pode facer de todo”, á vez que destacou a gran preocupación do seu goberno para con esta problemática. Así incidiu na aposta levada a cabo polo goberno local ordense coa creación, hai aproximadamente un ano, da concellaría da Discapacidade.
O acto pechouse cunha peza de acordeón de Fran Viqueira e a entrega dos premios do Certame Infantil. En canto aos premiados, no colexio Castelao as gañadoras foron Andrea Martínez de la Iglesia, Karina Mosquera Villaverde, María Lagares Carrillo e Sheila Fernández Villaverde. No colexio Campomaior foron premiadas Iria Rodríguez Rey, Ainoa Salmo Pallas e Vanessa Sabel Blanco. Por último no colexio Mesón do Vento premiouse o libro elaborado polas tres aulas de educación Infantil.
Tras a visita ás escolas, o acto central da xornada tivo lugar na Casa do Concello. Regos fixo fincapé na importancia deste día para demostrar que “todo o mundo pode facer de todo”, á vez que destacou a gran preocupación do seu goberno para con esta problemática. Así incidiu na aposta levada a cabo polo goberno local ordense coa creación, hai aproximadamente un ano, da concellaría da Discapacidade.
O acto pechouse cunha peza de acordeón de Fran Viqueira e a entrega dos premios do Certame Infantil. En canto aos premiados, no colexio Castelao as gañadoras foron Andrea Martínez de la Iglesia, Karina Mosquera Villaverde, María Lagares Carrillo e Sheila Fernández Villaverde. No colexio Campomaior foron premiadas Iria Rodríguez Rey, Ainoa Salmo Pallas e Vanessa Sabel Blanco. Por último no colexio Mesón do Vento premiouse o libro elaborado polas tres aulas de educación Infantil.
Os premios consistiron nun diploma e nun cheque de 200 euros para invertir en cada un dos centros.
A frase de Manuel Regos, alcalde de Ordes
“Agora somos conscientes do importante número de veciños que teñen algún tipo de discapacidade, e intentamos recoller as súas demandas para facilitarlles a súa vida cotiá”
A frase de Silvia Marín, concelleira de Discapacidade
"Espero que o 3 de decembro non se celebre só hoxe, senón os 365 días do ano”
A frase de Manuel Regos, alcalde de Ordes
“Agora somos conscientes do importante número de veciños que teñen algún tipo de discapacidade, e intentamos recoller as súas demandas para facilitarlles a súa vida cotiá”
A frase de Silvia Marín, concelleira de Discapacidade
"Espero que o 3 de decembro non se celebre só hoxe, senón os 365 días do ano”
*
