Cincocentos escolares ordenses participarán durante esta semana na campaña 'Ceo Oscuro'Máis de 500 escolares de Ordes participarán esta semana na campaña 'Ceo oscuro', posta en marcha pola concellería de Medio Ambiente de Ordes. Unha iniciativa que se está a levar a cabo nas instalacións do centro comarcal de Ordes e que inclúe a visita a un 'Planetario viaxeiro', facilitado pola Obra Social La Caixa, e a participación en diversos obradoiros astronómicos e medioambientais. “Pensamos que coa colaboración de todos poderemos facer fronte ao problema da contaminación lumínica e conseguir mellorar a nosa calidade de vida”, explica Pedreira Mirás.
Os escolares ordenses seguirán participando nesta iniciativa durante as xornadas de mañá do xoves, en horario de mañá. O público en xeral tamén poderá visitar este 'Planetario Viaxeiro' en horario de tarde, concretamente a partires das 17:00 horas no centro comarcal de Ordes.
A frase de Xesús Pedreira, concelleiro de Medio Ambiente
"Esta campaña didáctica pretende concienciar á cidadanía sobre o problema da contaminación lumínica, as súas orixes, efectos e solucións que conxuguen a iluminación exterior coa proteción do medio nocturno, o que facilita unha observación astronómica limpa de contaminación”
_____
Foto: Obradoiros de astronomía.
*
