Castro: "O BNG felicita aos veciños de Ordes polo éxito conseguido na súa campaña para evitar que o parque municipal acabe sendo clasificado como urbanizábel"A Comisión de Urbanismo do Concello dictaminou positivamente as alegacións dos veciños no tocante á recalificación do parque municipal 'Felix Rodríguez de la Fuente'. Segundo o BNG ordense, "a proposta de acordo que se debatirá no vindeiro Pleno Municipal incluirá a estimación das alegacións dos veciños". O Pleno, que se celebrará o vindeiro martes 7 de abril, procederá na súa consecuencia "á paralización do procedemento de recalificación do espazo do parque municipal como solo urbanísitico", segundo informa Gonzalo Castro.
A complexidade do expediente, que tamén incluía as obras de ampliación e mellora da Casa do Concello, obrigou ao Goberno municipal a rexeitar, segundo o lider nacionalista, "as alegacións veciñais que solicitaban a paralización da recalificación como urbanísticos dos terreos destinados á obra de ampliación do Concello".
Reformular o proxecto de ampliación
A este respecto, Castro salientou que “o BNG apoia a integridade das alegacións dos veciños e espera que o goberno municipal rectifique e atenda as mesmas tamén neste aspecto, reformulando o proxecto de ampliación do Concello, xa que se pode afrontar a mesma de forma menos custosa e sen ocupar un grande espazo público”.
As frases de Gonzalo Castro, portavoz municipal do BNG de Ordes"O BNG felicita aos veciños de Ordes polo éxito conseguido na súa campaña para evitar que o parque municipal acabe sendo clasificado como urbanizábel"
"O BNG opúxose desde o primeiro momento á recalificación como urbanísitico do principal espazo de esparcemento e lecer que existe no centro de Ordes e apoiou a campaña desenvolvida polos veciños de Ordes contra a recalificación do parque"
"O Goberno Municipal debe facer caso aos veciños e rectificar o proxecto de ampliación do Concello, para non volver a repetir o erro que cometeu coa ampliación da Alameda, que ten suprimido innecesariamente máis de 70 prazas de aparcamento, deixando inutilizábel un importante espazo público no centro de Ordes"
*
