A ITV agrícola estará no Mesón e no polígono na segunda quincena de mes

Co fin de facilitar a Inspección Técnica de Vehículos agrícolas no Concello de Ordes, a unidade móbil prestará servizo no polígono industrial de Ordes e no Campo da Feira de Mesón do Vento. En Mesón do Vento o calendario de inspección será o seguinte, os días 14, 15 e 18 de outubro, de 09:00 a 13:30 horas e de 15:30 a 18:00 horas. No polígono prestará servizo os días 19, 20 e 21 de outubro de 09:00 a 13:30 horas e de 15:30 a 18:00 horas, e o día 22 só en horario de mañá de 9 a 13:30 horas.

Asignarase día e hora de atención ao público, directamente na unidade móbil dende o primeiro día de chegada a Ordes e Mesón do Vento ou chamando ao 881 920978.

Inspección de ciclomotores
Por outra banda tamén prestará servizo no municipio a unidade móbil da Inspección Técnica de ciclomotores de dúas rodas de máis de 3 anos de antigüidade. O día no que se atenderá aos usuarios será o 14 de outubro de 09:00 a 13:30 e de 15:30 a 18 horas na nave de gando do Campo da Feira de Mesón do Vento.

Neste caso tamén se asignará día e hora de atención ao público, directamente na unidade móbil dende o primeiro día de chegada a Ordes.

*

A Asociación de Amas de Casa e Consumidores celebra os seus 25 anos de existencia

Teñen programados unha misa, banda de música, comida e baile para o domingo 17 de outubro 

A Asociación de Amas de Casa e Consumidores de Ordes ten previsto celebrar o próximo domingo 17 de outubro o seu 25 Aniversario cunha serie de actos programados. Así, ás 13:00 horas celebrarase unha misa solemne na igrexa parroquial de Santa María de Ordes para a continuación dar paso á actuación da Banda de Música Amigos de Ordes no Pazo Bidueiro, lugar no que a partir das 15:00 horas celebrarase a comida de confraternización e un baile.

As invitacións para poder asistir a estes actos conmemorativos poderanse adquirir na Mercería Evi antes do día 10 de outubro e o prezo por persoa será de 40 euros.

*

A Mancomunidade solicita unha subvención para seguir co seu programa de axentes de emprego

Prado Patiño: "Estes técnicos contribúen á dinamización e a xeración de novas actividades nos nosos municipios”

O pleno ordinario da Mancomunidade de Municipios da Comarca de Ordes, celebrado esta tarde no concello de Ordes, aprobou por unanimidade solicitar unha subvención á Consellería de Traballo e Benestar para o mantemento do programa de axentes de emprego e desenvolvemento local. Unha axuda solicitada ao abeiro da Orde do 7 de setembro de 2010 da Consellería de Traballo e Benestar, publicada no DOG 178 do mércores 15 de setembro.

O presidente da Mancomunidade de Ordes, Miguel Prado Patiño, destaca a importancia do mantemento deste servizo para a comarca ordense xa que “estes técnicos colaboran na implantación das políticas activas de emprego relacionadas coa creación de empresas e actúan como promotores de actividade, asesores puntuais de proxectos de empresa e mesmo como prospectores de mercado, de xeito que contribúen á dinamización e a xeración de novas actividades nos nosos municipios”. Ademais, apuntou a especial importancia de manter un servizo coma esta nunha época de crise económica coma a que estamos a vivir.

A esta sesión ordinaria do pleno da Mancomunidade de Municipios da Comarca de Ordes, que tivo lugar na casa do concello de Ordes, asistiron os alcaldes de Cerceda, José García Liñares; Frades, Miguel Prado Patiño; Mesía, Mariano Iglesias Castro; Oroso, Manuel Mirás Franqueira; e Tordoia, Antonio Pereiro Liñares; así como o vicepresidente da Mancomunidade e concelleiro de Ordes, Manuel Astray Mariño. A única ausencia, por motivos de axenda, foi a do alcalde de Trazo.

Foto: O pleno da Mancomunidade de Municipios de Ordes convocado para a sesión ordinaria de hoxe.

*

O Concello abre o prazo de inscrición para as actividades dirixidas á terceira idade

Ofértanse clases de ximnasia, talleres de memoria, manualidades e teatro

O Concello de Ordes oferta un ano máis, un amplo programa de actividades que estarán dirixidas aos maiores do municipio para este curso 2010- 2011.


Concretamente, dende o departamento de Servizos Sociais e Terceira Idade, ofertaranse nesta ocasión diferentes actividades como ximnasia, talleres de memoria, manualidades e teatro, coas que esperan dar unha alternativa de lecer aos maiores ordenses, así como que á súa vez poidan desenvolver as súas habilidades en diferentes modalidades.

Prazo ata o 8 de outubro
O prazo para inscribirse nestas actividades estará aberto ata o próximo día 8 de outubro debendo realizarse nos Servizos Sociais Comunitarios, no departamento de Terceira Idade do Concello de Ordes en horario de luns a venres de 9 a 13 horas.

O listado final de actividades e horarios elaborarase en función do número de persoas anotadas. As actividades terán un custo de 31,35 euros por actividade.

*

O Concello organiza un curso sobre mobilización de pacientes dirixido aos coidadores

Está previsto que as clases teñan lugar do 2 ao 9 de novembro e o prazo de inscrición xa está aberto

O Concello de Ordes organiza un curso que leva por título Mobilización de Pacientes e Prevención de Lesións. Trátase dun curso no que se prestará especial atención aos principais riscos posturais e ergonómicos aos que están expostos os coidadores que se encargan da mobilización de enfermos ou persoas con dificultades motoras, así como nos consellos preventivos que axudarán a evitar os trastornos músculo-esqueléticos ligados á mesma.

O prazo de inscripción xa está aberto e rematará no momento que se cubran as 20 prazas que se ofertan. As inscricións deberán realizarse no departamento de Medio Ambiente, Medio Rural e Sanidade do Concello de Ordes.

O curso é gratuíto e daráselle prioridade ás persoas que teñan ó seu coidado algún familiar con limitacións de mobilidade e que sexan de Ordes. Está previsto que o curso dea comenzo o día 2 de novembro e se prolongue ata o día 9 do mesmo mes de 16.00 a 19.30 h no Centro Comarcal de Ordes.

A frase de Xesús Pedreira, concelleiro de Sanidade de Ordes
"Este curso ten como finalidade chegar a adquirir unha serie de coñecementos necesarios para a correcta intervención ante pacientes que requiren coidados específicos para unha patoloxía determinada, tendo en conta as súas limitacións e atencións especiais por parte das persoas encargadas da súa atención, e a prevención de lesións tanto no afectado, como no responsable do seu coidado”.

*

O PP rexeita, por inmoral, a construción da nova Casa do Concello

Os populares lanzan dúas preguntas ao goberno do Concello: 1. Qué sentido ten construír un novo edificio para o Concello, cando os baixos da Alameda, que custaron case dous millóns de euros, seguen baleiros?; 2. Alguén ten algún interese nas novas obras?

Unha vez confirmada a decisión do goberno de Ordes de comezar a dun novo edificio para albergar a Casa do Concello, o grupo municipal do Partido Popular ven de informar que rexistrará unha moción para instar ao grupo de goberno a cancelar o proxecto e reprogramar o destino dos fondos económicos previstos para esa obra para poder financiar intervencións máis necesarias, como equipamentos de carácter social. Tamén os populares  amosan o seu escepticismo ante a existencia dos cartos necesarios para acometer as obras.

En opinión do PP local, que no actual escenario de crise económica, na que lembran que o desemprego supera o milleiro de persoas no municipio [1.013 parados, segundo datos de agosto 2010 aportados polo PP], a intención do Concello de construír unha nova Casa Consistorial resulta "unha inmoralidade".

Recordan os populares ordenses que este Concello "non precisa de novos espazos administrativos" posto que agora "xa teñen os baixos da Alameda" que segundo os populares, "tanto leva alardeado o goberno con eles". Esas obras nestes momentos, sempre  segundo o PP, "non son prioritarias" e as poñen en comparativa o feito de que a Administración local "nin sequera é capaz de financiar servizos básicos, como o arranxo de viais, abastecemento de auga, ou o pagamento de centos de facturas ás que as arcas municipais non poden facer fronte por falta de fondos".

Dende o propio equipo de Goberno tense recoñecido, asegura o PP, que coas obras anunciadas "pretenden ganar espazo para dedicar o actual edificio do Concello a tarefas de representación e protocolo". Sen embargo, para o Partido Popular “a pompa e o boato que tanto cultiva o grupo de goberno non teñen cabida na política, e moito menos no actual contexto de intensa crise económica”.

Preguntas sen resposta

Finalmente, o PP de Ordes faise as seguintes preguntas sen aínda acadar resposta:

1. Que sentido ten construír un novo edificio para o Concello, cando os baixos da Alameda, que custaron case dous millóns de euros, seguen baleiros?

2. Ou é que alguén ten algún interese nas novas obras?

Foto: A actual Casa do Concello de Ordes.

***

Los que se burlan del Protocolo

Por R. A. Landeira

Creo que en este país existen dos entes con un especial desprecio de la sociedad. Uno es la Sociedad General de Autores y Editores de España (SGAE); la otra, el protocolo y el ceremonial. Hoy hemos sido testigos de una nueva humillación al noble arte de las buenas maneras cuando el PP de Ordes definió al Protocolo como “pompa e boato” a la hora de censurar que el actual edificio de la Casa do Concello vaya a ser destinado a tareas de representación y protocolo. Pompa lo define la Real Academia de la Lengua como el acompañamiento suntuoso, numeroso y de gran aparato. Boato, como ostentación en el porte exterior.

Pues bien, no hay nada que más rechace y combata el arte del protocolo que ambas circunstancias. El protocolo pretende reglar las conductas humanas en pro de una mejor comunicación entre las personas. Que este arte sea constantemente acusado de frívolo y trivial únicamente obedece a unos prejuicios que identifican al protocolo con lo clasista y elitista. Todo ello lejísimos de la realidad. La falta de Protocolo confunde al receptor, no traslada claramente el mensaje que pretendemos dar a conocer. Su ausencia genera improvisación y ausencia de control sobre la información.

Por otra parte tenemos el protocolo social que ha servido y sirve para dignificar nuestra representatividad. El protocolo social garantiza un orden en las relaciones humanas, evita conflictos socioculturales y facilita la comunicación entre las personas. El protocolo pretende así convertir a las personas en perfectos anfitriones. Ayuda a saber expresarse ante los medios de comunicación y generar una imagen actual, positiva, de contacto fácil y de éxito ante terceros.

‘Concello de Ordes’ es nuestra marca. Una marca que no pertenece al actual gobierno de Ordes, sino a todos los ordenses, pasados, presentes y futuros. Y es una propiedad que necesita generar valor a través de la imagen. El profesor de la Universidad de Carolina del Norte, y toda una institución en valor de marcas [ Brand equity], Kevin Keller, asegura que las empresas o instituciones no son dueñas de las marcas. Son los consumidores [en nuestro caso los vecinos ordenses] quienes piensan que son los verdaderos dueños de sus marcas".

Hemos de entender que 'Concello de Ordes' ha de ser más que un simple nombre. Habremos de dignificarlo de cara a transformarlo en un currículum que refleje éxito, logros, compromiso, lealtad a su pueblo e influencia en terceros. Cuando todo eso se logre, todos nosotros la protegeremos. No se me ocurre otra fórmula para lograr este objetivo que no sea a través de una integración en este proceso sociológico interpersonal que llamamos Protocolo y que nos crea un clima de confianza y bienestar para después, tratar los fondos de los asuntos.

Todos nosotros hemos leído o escuchado consejos a la hora de afrontar una entrevista de trabajo. Cómo escribir nuestro currículum, cómo comportarnos durante la charla, cómo responder a las preguntas que nos hagan, cómo saludar y qué mensaje trasladar, etc. Y todo ello con el fin de que nuestro entrevistador se lleve una buena imagen de nosotros. ¿No podría acaso ser ese entrevistador una gran empresa buscando ubicación en nuestro municipio?

Decía el político y diplomático francés Charles Maurice de Talleyrand: "Sólo los tontos se burlan del Protocolo, porque el Protocolo simplifica nuestras vidas".

*

A Mancomunidade impulsa mediante un curso a autonomía das persoas con discapacidade

O programa pretende axudar á integración dos discapacitados proporcionándolles técnicas de desenvolvemento de forma independiente

A Mancomunidade de Municipios da Comarca de Ordes iniciou hoxe un curso de autonomía persoal dirixido a persoas con discapacidade de todos os concellos da comarca: Cerceda, Frades, Mesía, Ordes, Oroso, Tordoia e Trazo. O curso, que se desenvolve por segundo ano consecutivo, vaise prolongar ata finais de maio de 2011, con cinco horas diarias de clase en horario matinal. Impartido por unha docente e unha auxiliar especializadas, atende a trece alumnos con distintos tipos de discapacidade co obxectivo de proporcionarlles técnicas para desenvolverse de forma independente no mercado laboral e no ámbito social.

O presidente da Mancomunidade, Miguel Prado Patiño, que acudiu á clase de apertura nas instalacións da Casa da Cultura de Ordes acompañado polo alcalde de Ordes, Manuel Regos, e pola concelleira de Discapacidade, Silvia Marín, salientou tamén a diversidade de actividades que se levan a cabo no curso. De feito, hai obradoiros de debuxo, lectoescritura e manualidades nos que o alumnado pode desenvolver a súa creatividade, outros de cociña e tarefas domésticas que ademais serven para afondar na socialización dos participantes, ou de baile e diversos exercicios para estimular as súas capacidades físicas e psicomotrices.

Servizo 065
O curso, xestionado pola Mancomunidade, está subvencionado pola consellería de Traballo e Benestar a través dun programa de cooperación. O servizo 065, dependente tamén deste departamento autonómico, colabora no transporte dos alumnos ás clases. De forma provisional, as sesións teñen lugar na Casa da Cultura de Ordes, ata que nas vindeiras semanas estean de novo dispoñibles as aulas de formación do Mesón do Vento que xa acolleron esta iniciativa a pasada tempada.

Fotos: Momentos das clases de autonomía persoal da Mancomunidade de Municipios de Ordes.
 
*

Gonzalo Castro será o pregoeiro das festas do Piñeiro

O nacionalista considerou unha honra participar activamente nas festas dun dos barrios máis populosos de Ordes

Será este sábado 2 de outubro ás 14:15 h.

O portavoz municipal do BNG de Ordes, Gonzalo Castro, será o encargado de leer o pregón co que se dará inicio ás festas do popular barrio ordense do Piñeiro. O acto de lectura do pregón terá lugar este sábado 2 de outubro, ás 14:15 horas, no palco instalado para as actuacións musicais que terán lugar esta fin de semana no Piñeiro.

As frases de Gonzalo Castro, portavoz municipal do BNG de Ordes 

“É unha verdadeira honra exercer de pregoeiro nestas festas e agradezo enormemente aos organizadores que tivesen contado conmigo para este acto”

"É un orgullo e unha satisfacción poder ter a oportunidade de participar activamente nas festas do Piñeiro, un lugar ao que me unen fortes vínculos persoais e polo que sempre tiven un afecto moi especial”

"Animo a todos e todas os ordenses a participar das festas do Piñeiro xa que resulta de grande importancia recuperar as festas que se celebraban tradicionalmente en distintas zonas e barrios da vila de Ordes”.

*

Ordes acolle o próximo luns a celebración dun seminario sobre planificación e xestión forestal sostible

Organizado pola Asociación Forestal de Galicia, será o luns 4 ás 20:00 h. no Museo do Traxe Juanjo Liñares

A Asociación Forestal de Galicia organiza o vindeiro luns 4 de outubro en Ordes un seminario sobre planificación e xestión forestal sostible. Neste seminario, financiado con fondos FEADER a través dun convenio de colaboración asinado entre a Consellería do Medio Rural e a Asociación Forestal de Galicia, preténdese informar aos propietarios forestais interesados sobre os beneficios de contar cun instrumento de xestión das súas propiedades.


O seminario terá lugar o luns 4 de outubro no Salón de actos do Museo do Traxe Juanjo Liñares ás 20:00 horas e será impartido por Francisco Dans del Valle, enxeñeiro de Montes e director da Asociación Forestal de Galicia. Os propietarios forestais, particulares e comunidades de montes, así como expertos e estudantes da comarca interesados en asistir a este seminario, poderán inscribirse gratuitamente chamando previamente aos teléfonos 981 564 011, 981 569 140 e 618 752 214.

Planificación forestal. Que é?
A planificación forestal é unha ferramenta de apoio aos propietarios e xestores de montes na toma de decisións necesarias para acadar un bo uso e conservación dos recursos forestais. Unha correcta planificación permitirá ao propietario forestal obter unha periodicidade nas rendas ao mesmo tempo que se maximizan os beneficios ambientais, sociais e culturais do monte. Esta planificación plásmase nun documento de xestión que pode ter distinta categoría segundo a superficie do monte, o estado forestal, etc.

A frase de Xesús Pedreira, concelleiro de Medio Ambiente e Medio Rural de Ordes
"Animamos a tódolos nosos veciños a que participen neste seminario e coñezan de primeira man as vantaxes e beneficios que supón contar cun plan de xestión. É importante que os propietarios particulares e xuntas reitoras teñan como prioridade entregar o monte aos seus 'descendentes' en mellores condicións que cando eles o recibiron e neste seminario recibirán toda a información necesaria para cumprir con este obxectivo".

Punto final ao curso de socorrista para parados

Nel participaron 15 desempregados que recibiron clases prácticas e teóricas

Hoxe deuse por finalizado en Ordes un curso enmarcado dentro da programación de accións formativas dirixidas prioritariamente para persoas traballadoras desempregadas da Consellería de Traballo e Benestar da Xunta de Galicia. Concretamente trátase dun curso de socorrista acuático, que foi totalmente gratuíto para os participantes, e que daba comenzo o pasado 19 de xullo. Neste curso participaron 15 persoas que realizaron tanto clases prácticas como teóricas, as prácticas na piscina climatizada e as teóricas na Casa da Cultura.

Combatindo o desemprego
O curso de socorrista acuático sumouse a outros cursos dirixidos a desempregados que todavía se están a realizar no municipio e cos que o Concello de Ordes pretende combater o desemprego a través da formación dos seus veciños e veciñas. É o caso dun curso de atención sociosanitaria a persoas no domicilio no que están participando outros 15 desempregados, enmarcado tamén na programación de accións formativas dirixidas prioritariamente para persoas traballadoras desempregadas da Consellería de Traballo e Benestar da Xunta de Galicia e que ten lugar en Mesón do Vento.
.
Tamén dirixido a desempregados, o municipio ordense está levando a cabo un curso sobre enerxía térmica, enmarcado dentro do Proxecto Rede Xiana da Deputación da Coruña. Neste curso que deu comenzo o pasado 14 de xuño, e no que participan 18 persoas ensínase aos participantes a montaxe, a posta en servizo, operación e mantemento das instalacións solares térmicas. Un curso que serve ademais aos participantes como apoio para conseguir o certificado de profesionalidade.

As frases de Manuel Regos, alcalde de Ordes
"O Concello de Ordes aposta unha vez máis pola formación para facilitar a incorporación ao mercado laboral das persoas desempregadas"

“Cremos que nun momento de crise e desemprego como o que está vivindo o país a formación dos nosos desempregados é a mellor das iniciativas para facilitar a súa incorporación ao mundo laboral, dándolles unha ferramenta máis para conseguir un posto de traballo”

Foto: Momento dunha das clases teóricas do curso de socorrista celebrado na Casa da Cultura.

*

O BNG ordense participou activamente nas mobilizacións da folga xeral

Os nacionalistas encabezados por Gonzalo Castro participaron nas concentracións do sindicalismo nacionalista

O portavoz municipal do BNG de Ordes, Gonzalo Castro, celebrou que a folga xeral do 29 de setembro “fose un éxito en Galiza” e asegurou que “o BNG de Ordes estivo onde ten que estar, cos traballadores e traballadoras, coa xente que demanda un futuro mellor para este país”.

Gonzalo Castro, acompañado dos restantes membros do grupo municipal do BNG e da súa dirección local, participou este mediodía en Santiago de Compostela na multitudinaria mobilización da CIG, á que se sumaron numerosos cargos orgánicos e institucionais da comarca de Santiago, como o alcalde de Teo, Martiño Noriega, a deputada no Parlamento Galego, Ana Pontón, ou o candidato do BNG á alcaldía de Santiago, Rubén Cela, así como moitos militantes e cargos do BNG de diferentes localidades.

O portavoz municipal do BNG de Ordes asegurou que “quedou claro que a mobilización foi un éxito, que miles de persoas da nosa comarca se desprazaron a Santiago a dicir que non están de acordo coas medidas do Goberno Central e da Xunta de Galiza, e a esixir unha rectificación das políticas antisociais que están a desenvolver o Goberno Central e a Xunta de Galiza”.

“O BNG de Ordes está onde ten que estar, coa maioría social da nosa comarca”
Gonzalo Castro subliñou que “o BNG de Ordes está coa maioría social da nosa comarca, defendendo que hai facer unha política favorábel aos traballadores, aos pensionistas e aos mozos e mozas”.

Con respecto ao seguimento da folga por parte dos ordenses, Castro manifestou que, “se ben o seguimento da folga por parte da hostelería e do comercio foi desigual, no sector industrial a folga tivo bastante seguimento e numerosos traballadores da nosa comarca achegaronse a Santiago a participar activamente das mobilizacións organizadas polo sindicalismo nacionalista"

Finalmente, Castro agradeceu aos veciños e veciñas da comarca a súa implicación e participación na folga xeral e afirmou que, “hai esperanza e hai alternativa e hai un pobo, o galego, que nen se resigna nen baixa a cabeza, que ten enerxía e que ten coraxe para enfrentarse ás políticas antipopulares que ditan o Fondo Monetario Internacional e a Comisión Europea e que aplican sumisamente Zapatero e Feijóo ou, o que é o mesmo, PSOE e PP”.

Foto arriba: Gonzalo Castro, no extremo esquerdo da pancarta con chaqueta clara, nas mobilizacións desta mañá en Santiago de Compostela xunto aos dirixentes nacionalistas Ana Pontón e Rubén Cela, entre outros.

*

Díaz Hermida abandoa o grupo municipal popular

A renuncia tivo lugar a través da lectura durante o pleno municipal desta mañá dun escrito do concelleiro ex socialista, ex popular e agora na bancada dos non adscritos


Regos: "Amortizaremos 300.000 euros de débeda este ano, e o seguinte, máis"


O BNG propón que o investimento para a nova casa do concello se destine á creación de emprego

A corporación municipal do Concello de Ordes reuniuse esta mañá para a celebración do pleno ordinario do mes de setembro. Unha sesión na que se aprobou a conta xeral do exercizo de 2009. Neste punto, e ante as críticas dos grupos da oposición sobre a débeda do Concello, o alcalde Manuel Regos, quixo aclarar que “a débeda viva do concello ímola reducir. Amortizaremos 300.000 euros de débeda este ano e o ano que vén moito máis. Son momentos de apretarse o cinto e farémolo garantizando que se reducirá a débeda. Cando as inversións están ben feitas redundan no beneficio dos veciños e veciñas de Ordes, na mellora da súa calidade de vida e dos servizos que se lles ofrecen, e iso é o que estamos a facer. Estamos investindo en cada veciño de Ordes 965 euros”.

Por outra banda, aprobouse por unanimidade, a inclusión das obras na rúa República Arxentina no Plan de Cooperación cos Concellos da Deputación (PCC 2008- 2011), para a anualidade de 2011, punto que contou co apoio de todos os grupos da corporación municipal.


Delegación de competencias de tráfico
Tamén se aprobou cos votos a favor de todos os concelleiros da Corporación, a excepción dos tres edís do BNG que votaron en contra, a delegación de competencias á Deputación da Coruña, para a instrucción de expedientes sancionadores por infracción das normas de tráfico, unha cuestión que tal e como explicou o alcalde, xa teñen delegada 83 concellos dos 94 da provincia e que beneficiará ao Concello facilitando o proceso.


Durante a sesión plenaria o secretario do Concello informou tamén da presentación dun escrito por parte do concelleiro, ata o momento do PP, José Luis Díaz Hermida polo que abandona o grupo político do Partido Popular pasando a formar parte do grupo dos non adscritos.


Mocións dos nacionalistas
En canto ás mocións, o grupo do BNG presentou tres. Unha na que se solicitaba o apoio da corporación Municipal á folga xeral que terá lugar mañá, e da que non se aprobou a súa urxencia, e tal e como explicou o tenente de alcalde, Xesús Pedreira, “cada un é libre de ir ou non á folga e consideramos que son os veciños e veciñas de Ordes os que deben decidir”.


Pola súa banda, o portavoz municipal do BNG de Ordes, Gonzalo Castro, xustificou a presentación desta moción manifestando que “a actual reforma laboral, que aumenta a flexibilidade no despedimento atrasará a saída da crise e fará recaer sobre a clase traballadora as súas consecuencias máis dramáticas, supoñendo un recorte nos dereitos dos traballadores e traballadoras”.


Outra das mocións solicitaba a creación dunha comisión formada por colectivos e axentes sociais do municipio para a organización das festas patronais, cuestión que tampouco contou co respaldo da Corporación. Os nacionalistas acusaron ao executivo local “de manter unha liña continuista que manten estancadas ás festas de Ordes”. O edil do goberno, José Luis Gómez Candal, explicou que non estaba xustificada a urxencia da moción “xa que deberá ser unha cuestión que terá que tratar o novo grupo de goberno tralas próximas eleccións municipais”.


Ampliación e reforma da Casa do Concello
A última das mocións do BNG solicitaba que se reorientase o investimento da obra para a ampliación e reforma da Casa do Concello, cuestión que tampouco saiu adiante e á que o edil de Obras e Urbanismo, Roberto González, explicou non era agora o momento, xa que as obras xa están contratadas, hai unha serie de subvencións para elas e non hai oposición dos veciños ao respecto.

Gonzalo Castro argumentou na defensa desta proposta que “o BNG xa ten manifestado en reiteradas ocasións que no momento actual as obras da nova casa do Concello non constituen unha prioridade, e que os recursos que se van destinar á súa execución deberían ser destinados a actuacións para a mellora dos servizos sociais e para a creación de emprego”. Castro lembrou que “os propios veciños de Ordes xa se teñen oposto á reclasificación urbanística dos terreos para a nova casa Consistorial, presentando máis de 150 alegacións que foron rexeitadas polo goberno municipal”. Finalmente a proposta foi rexeitada cos votos en contra do grupo de goberno e o xa ex popular Díaz Hermida polos a favor do PP e BNG máis o socialista Xesús Pampín.

Finalmente o grupo municipal nacionalista esixiu ao goberno municipal a construcción de todas as pistas que enlazan as concentracións de labradío e de monte en Barbeiros-Vilamaior, así como o arranxo das pistas da concentración de Beán-Pereira, que, a xuizo do concelleiro Ramiro Recouso, “se encontran nun estado lamentábel, sendo o seu arranxo competencia do goberno municipal”.
 
Foto: O xa ex concelleiro popular, José Luis Díaz Hermida durante unha intervención nun pleno municipal de Ordes (arquivo).
 
*

Manuel Regos pide á Xunta unha escola obradoiro para Ordes

Foi durante a clausura esta mañá do obradoiro de emprego Ramón Ruibal na que participaron 26 alumnos do municipio

O obradoiro hoxe clausurado deu comezo fai un ano e nel desenvolvéronse os módulos de carpintería, albanelería e xardinería

O alcalde Manuel Regos foi o encargado de clausurar esta mañá o obradoiro de emprego Ramón Rubial II, nun acto no que estivo acompañado polo delegado territorial da Xunta na Coruña, Diego Calvo, e o Director Xeral de Promoción do Emprego da Xunta, Andrés Hermida, así como polos alumnos e alumnas participantes no obradoiro, o director e mestres do mesmo e os compañeiros da Corporación.

Durante o acto, o director do obradoiro, José Antonio Fra, quixo facer un percorrido polas obras nas que participaron os alumnos e alumnas do mesmo, como foi o acondicionamento e rehabilitación das escolas unitarias de Poulo, Leira e Barbeiros para convertilas en locais sociais de ditas parroquias, así como a rehabilitación da Rectoral de Beán para o mesmo fin. Ademais tamén levaron a cabo melloras no entorno e nalgunhas das edificacións da estación de Parada.

Formación para a xuventude ordense

Por outra banda Regos aproveitou a ocasión para solicitar aos representantes da Xunta unha escola obradoiro para o municipio, tendo en conta que Ordes tería un gran potencial de participantes ao contar con máis de 1.200 mozos e mozas de entre 17 e 25 anos e destacando a importancia que tería para afastar das rúas ou de malos hábitos aos rapaces, ademais de ter tamén unha gran importancia a formación para conseguir un emprego.

Por outra parte tanto o delegado territorial da Xunta, Diego Calvo, como o Director Xeral de Promoción de Emprego, Andrés Hermida, tamén quixeron agradecer a colaboración do Concello de Ordes nesta iniciativa, así como felicitou aos participantes por todos os traballos realizados animándoos agora a buscar un traballo despois de conseguir a formación nas diferentes especialidades.

Entrega de diplomas
Ao final do acto, o alcalde e os representantes da Xunta fixeron entrega dos diplomas acreditativos aos alumnos e alumnas do obradoiro de emprego. En total, neste obradoiro, que daba comenzo hai un ano, participaron 26 alumnos e alumnas do municipio nas especialidades de xardinería, albanelería e carpintería.

Foto arriba: Un grupo de participantes no II obradoiro de traballo Ramón Ruibal cos invitados e autoridades convidadas ao acto da clausura.

Foto medio: O alcalde de Ordes, Manuel Regos, descobre a placa en recordo da clausura en presenza do director xeral de Promoción de Emprego da Xunta de Galicia, Andrés Hermida e Diego Calvo, delegado territorial da Xunta de Galicia. 

Foto abaixo: Andrés Hermida entrega un diploma a un dos 26 participantes no obradoiro de emprego de Ordes, Ramón Ruibal.

*

O grupo municipal popular reclama a limpeza das cunetas en todas as pistas do municipio

Alertan do risco de propagación de incendios forestais pola "deixadez" do goberno municipal

O Grupo Municipal do Partido Popular ven de anunciar que presentará no vindeiro pleno municipal, unha iniciativa para instar ao Goberno local a que axilice os traballos de limpeza das cunetas nas pistas e camiños do Concello, dado o retraso que acumulan estes traballos.


Esta demanda do Partido Popular é consecuencia das numerosas queixas formuladas por veciños das diferentes aldeas e parroquias do Concello, polas que aínda non pasou a desbrozadora municipal. A falta de limpeza de cunetas afecta tanto a pistas asfaltadas como a camiños secundarios que dan acceso a fincas.

Os camiños actuarían de cortalumes
Desde o grupo municipal do PP advirten que a deixadez do goberno está a incrementar o risco de propagación dos incendios forestais. Sucede especialmente en numerosas pistas de zonas de concentración parcelaria, nas que a louza atravesa os camiños, dificultando o tránsito de vehículos, pero incrementando tamén o perigo de incendio. Se os camiños estivesen limpos, alertan dende o PP, actuarían de cortalumes no caso de que se produciuse esta eventualidade.

*

Orde do día do pleno da corporación do próximo martes

CONVOCATORIA Pola presente convocase a Vd. á SESIÓN ORDINARIA, que se celebrará na CASA CONSISTORIAL polo CONCELLO PLENO, ás dez horas do día vinte e oito de setembro de dous mil dez, en primeira convocatoria e se procederá en segunda de acordo co estipulado no artigo 31.2 do ROF do Concello.

A partir desta data ten Vd. a súa disposición, na Secretaria desta Corporación, os antecedentes relacionados cos asuntos que figuran na seguinte:

ORDE DO DÍA

PUNTO PRIMEIRO: APROBACIÓN, SE PROCEDE, ACTA DA SESIÓN ANTERIOR, DE DATA 06/09/10.

PUNTO SEGUNDO: INFORMES DA ALCALDÍA.

PUNTO TERCEIRO: APROBACIÓN, SE PROCEDE, CONTA XERAL, EXERCIZO 2.009.

PUNTO CUARTO: SOLICITUDE, SE PROCEDE, INCLUSIÓN OBRAS PLAN DE COOPERACIÓN COS CONCELLOS (PCC) 2008/2011, ANUALIDADE 2011.

PUNTO QUINTO: DELEGACIÓN, SE PROCEDE, COMPETENCIAS DEPUTACIÓN PROVINCIAL INSTRUCIÓN EXPEDIENTES SANCIONADORES POR INFRACCIÓN DAS NORMAS DE TRÁFICO.

PUNTO SEXTO: DAR CONTA DAS RESOLUCIÓNS E DECRETOS DA ALCALDÍA.

PUNTO SÉTIMO: MOCIÓNS.

PUNTO OITAVO: ROGOS E PREGUNTAS.

Ordes, 24 de setembro de 2.010

O ALCALDE-PRESIDENTE

Manuel Regos Boquete

SRS. CONCELLEIROS do CONCELLO de ORDES

*

O luns se clausura o obradoiro de emprego da estación de Parada

Asistirán os 26 alumnos participantes acompañados do alcalde Manuel Regos, o delegado territorial da Xunta, Diego Calvo, e o director xeral de Promoción do Emprego, Andrés Hermida

O vindeiro luns 27 de setembro terá lugar a clausura do II Obradoiro de Emprego “Ramón Rubial” de Ordes, ás 12,30 horas do mediodía na antiga estación de tren de Parada.


Este segundo Obradoiro de Emprego, contou coa asistencia de 26 alumnos, que recibirán o diploma acreditativo o día da clausura. Os participantes recibiron formación teórico-práctica nas especialidades de xardinería, carpintería e albanelería; e tamén recibiron formación académica en ensino básico.

O Obradoiro de Emprego foi levado a cabo a través dunha subvención concedida pola Consellería de Traballo e Benestar.

A este acto asistirán, entre outros, Diego Calvo, delegado territorial da Xunta de Galicia na Coruña; Andrés Hermida, director xeral de Promoción do Emprego; Manuel Regos, alcalde de Ordes, concelleiros da corporación municipal e o director, profesores das especialidades (xardinería, albanelería e carpintería) e mestra de ensino básico do Obradoiro. Tamén estarán presentes os 26 alumnos e alumnas do Obradoiro.

Programa de actos
O programa de actos é tal como segue:


12:30 horas : Recibimento no lugar de desenvolvemento do Obradoiro de Emprego (Antiga estación de tren de Parada).

12:40 horas: Palabras das autoridades asistentes (Director Xeral de Promoción do Emprego, Delegado Territorial da Xunta de Galicia na Coruña e Alcalde de Ordes).

13:15 horas: Entrega de diplomas.
 
*

Comienzan las fiestas de Poulo

A partir de las 23:00 h. con las orquestas Bámbola y Olympus

Las populares de fiestas de Poulo comienzan esta noche con la actuación de las orquestas La Bámbola a partir de las 23:00 h. y Olympus desde las 00:30 h.

Foto: Orquesta Olympus.

A Concellería de Medio Ambiente, 'Proxecto Ríos' e voluntarios de Ordes limparán o cauce do Cabrón

A actuación terá lugar o vindeiro 3 de outubro e prazo de inscripción para os que queiran participar rematará o 30 deste mês



Pedreira: "Dende o Concello invitamos a esta limpeza a todas as persoas que queiran contribuir a preservar o medio ambiente" 

A Concelleria de Medio Ambiente de Ordes continúa a traballar preservación do medio ambiente e na concienciación social. Así o próximo domingo 3 de outubro levarase a cabo a terceira xornada de limpeza simultánea de ríos en 25 concellos espallados por toda Galicia. Unha xornada na que participarán membros do Voluntariado Verde de Ordes, promovido pola Concellería de Medio Ambiente, e que contará tamén coa colaboración de 'Proxecto Ríos'.


Lembrade! Inscricións antes do 30 de setembro
Os organizadores do proxecto convidan a todos os veciños que queiran participar que o poden facer, inscribíndose antes do 30 deste mes no departamento de Medio Ambiente, situado no segundo andar da Casa do Concello. O punto de encontro para todos será no río Cabrón ás 11:00 horas, concretamente no cruce da carretera comarcal AC 224 que vai dende Ordes a Lanzá coa pista que vai hacia A Gorita.

O ano pasado, cun total de 15 concellos participantes, unha ducia de veciños e veciñas de Ordes participaron na xornada de limpeza. Ésta tamén se desenvolveu no cauce do río Cabrón, concretamente nun tramo de tres quilómetros. Del estrouxéronse todo tipo de obxetos, incluindo neumáticos, plásticos, ferros, electrodomésticos, e mesmo restos dunha cociña e dunha motocicleta. Neste sentido o concelleiro de Medio Ambiente chama á reflexión dos veciños e veciñas de Ordes e lembra a existencia do Punto Limpo a carón do tanatorio do Balado, espazo onde se poden depositar tanto plásticos agrícolas coma electrodomésticos.

Podes ver a limpeza que se levou a cabo no río Cabrón o 27 de setembro de 2009:




Informes e adopcións
O Proxecto Ríos é unha iniciativa de concienciación, educación e participación cidadá en defensa dos cauces fluviais. Preténdese con elo inspeccionar o estado dos ríos por parte de persoas ou voluntarios locais, co obxectivo final de facerse responsábeis da súa vixianza, como mínimo dúas veces ao ano.

Coa información recabada elaboraranse informes anuais cos datos subministrados por todos os participantes nas distintas campañas. Os grupos que o desexen tamén poden participar no Programa de Adopción de Ríos, mediante o cal se fan responsábeis de velar polo estado de aqueles treitos de río que escollan.

Podes escoitar as declaracións de Xesús Pedreira para Radio Ordes:



A frase de Xesús Pedreira, concelleiro de Medio Ambiente de Ordes
"Dende o Concello invitamos a esta limpeza do río Cabrón, a todas aquelas persoas que queiran contribuir a preservar o medio ambiente, en concreto os ríos, que son unha fonte de conservación da biodiversidade do noso Concello"

Foto: Momento da limpeza do río Cabron en setembro de 2009.

*

Comeza unha nova tempada de Noites de Tasca con concurso de aturuxos incluído

Será o 1 de outubro a partires das 22:00 h. no bar Carballeiro de Vilamaior

Despois da paradiña do verán volve a terceira tempada das 'Noites de Tasca' de Os Viqueiras de Ordes. Este ano percorrerán os municipios da comarca os primeiros venres de cada mes.

Nesta nova tempara que se inuagura o vindeiro venres 1 de outubro, terán como convidado de excepción ao gaiteiro de Santa María de Arzúa, Faustino Seoane. Aos seus 84 anos será quen de demostrar a súa plena forma na arte de tocar a gaita.

Foliada aberta á participación de todos
Como xa é tradicional, o acto rematará cunha foliada aberta á participación de todos coa novidade do Concurso de Aturuxos. Cada mes iranse preseleccionando os mellores para nunha data ainda por determinar poder competir nunha final onde se escollera ao 'Mellor botador de aturuxos das Noites de Tasca'.

Os Viqueiras de Ordes convidan a todos os lectores e lectoras de Ordessiete a disfrutar nesta nova Noite de Tasca no bar Carballeiro de Vilamaior (Ordes) o próximo venres 1 de outubro a partires das 22:00 h.

*

Ordenses ilustres (IV): Fernando Calderón Collantes, I marqués de Reinosa

Ordessiete continúa con la serie de biografías de ordenses ilustres. Muchos de ellos son o han sido personajes bien conocidos en nuestra villa. Otros muchos aún gozan de un histórico anonimato

Fernando Calderón Collantes (Reinosa, Cantabria, 21 de febrero de 1811 - Madrid, 9 de enero de 1890). Abogado y político español, fue ministro de Gracia y Justicia durante el reinado de Isabel II, cartera que volvería a ocupar junto con la de ministro de Estado durante el reinado de Alfonso XII.

Presidente del Tribunal Supremo
Tras estudiar Derecho en la Universidad de Santiago de Compostela inicia su carrera judicial ejerciendo como Juez de Primera Instancia en Ribadeo y Vigo pasando después a las Audiencias de Valladolid, Barcelona y Madrid hasta que en 1856 ingresó en el Tribunal Supremo, institución que llegaría a presidir entre 1857 y 1860

Su carrera política se inicia en 1840 cuando resulta elegido diputado en el Congreso por la circunscripción de Lugo adonde retornaría, tras no obtener escaño en los dos siguientes procesos electorales, en 1843, ya como representante de Santa Maria de Ordenes repitiendo el escaño hasta las elecciones de 1851. En los comicios de 1853 y 1854 no logra obtener acta de diputado, no regresando al Congreso hasta 1857 y, tras repetir acta en 1858, desaparece de la Cámara Baja al ser nombrado senador vitalicio en 1862. Tras la Revolución de 1868 retorna al Congreso al obtener, nuevamente por A Coruña, un escaño en las elecciones de 1869 y tras repetir en los comicios de 1872 retornará al Senado en 1872 donde en 1877 será designado nuevamente senador vitalicio.

Ministro en cuatro ocasiones
Fue ministro de Gracia y Justicia en tres ocasiones: entre el 21 de junio de 1865 y el 10 de julio de 1866 en un gabinete presidido por O' Donnell; entre el 12 de septiembre y el 2 de diciembre de 1875 en un gobierno de Cánovas y entre el 14 de enero de 1877 y el 6 de enero de 1879 en los gobiernos que presidieron Joaquín Jovellar Soler y nuevamente Cánovas. También desempeñó la cartera de ministro de Fomento entre el 2 de diciembre de 1875 y el 14 de enero de 1877 con Cánovas como jefe de gobierno.

El 7 de junio de 1878 se le concedió el título de marqués de Reinosa como premio a los servicios prestados a la Corona y en 1884 se le distinguió con la orden del Toisón de Oro. Se retiró de la política en 1885, al morir Alfonso XII.

Foto: Fernando Calderón Collantes, I marqués de Reinosa, diputado del Congreso por Santa María de Órdenes entre 1843 y 1851.

*

Como ensinar aos nosos maiores a non aburrirse?

Quince persoas fórmanse nun curso de animación xerontolóxica da Mancomunidade

A Mancomunidade de Municipios da Comarca de Ordes acaba de iniciar un curso de animación xerontolóxica, orientado á mellora da empregabilidade de personas desocupadas. O curso, que se imparte nas dependencias do Museo do Traxe de Ordes, conta coa participación dunhas quince persoas. As clases prolongaranse ata o 19 de novembro. En horario matinal de 9 a 14 horas, están sendo impartidas por dúas profesoras con ampla experiencia no sector da terceira idade e dos servizos sociais.
A creación de residencias e centros de día, a ampliación das programacións dos centros socioculturais e clubs de xubilados ou a necesidade de dinamizar centros municipais e vivendas comunitarias fan pensar nun aumento da demanda deste tipo de profesionais. Tal como explicou o presidente da Mancomunidade, Miguel Prado Patiño, “o interese das persoas maiores polo aproveitamento do tempo libre é cada vez maior e está claro que calquera traballador que queira desempeñar as súas funcións con este colectivo debe estar familiarizado coas súas particularidades e coñecer as técnicas específicas de animación”.

Prácticas non laborais
O curso de animación xerontolóxica da Mancomunidade de Ordes ofrece tamén prácticas non laborais en centros de atención á terceira idade, tanto públicos como privados. Coas prácticas, o alumnado poderá aplicar a teoría aprendida durante a acción formativa. A formación de persoas nesta categoría profesional resulta útil para as empresas e entidades do sector da dependencia para aumentar a súa competitividade e mesmo reducir custos, ao aumentar a calidade de vida dos maiores.

O curso está financiado nun 80% polo Fondo Social Europeo e no 20% restante pola administración autonómica. Por cada día de asistencia ao curso, o alumnado recibe unha bolsa de desprazamento de sete euros.

Foto: Os alumnos participantes posan xunto ao alcalde de Ordes, Manuel Regos, ás portas do Museo do Traxe Juanjo Liñares.

*

¿Pero cómo murió el Soldado Lois?

Ordessiete consigue acceder al informe oficial de su fallecimiento archivado en la Comandancia General del Departamento Marítimo de Cádiz de fecha de 17 de agosto de 1938

A todos nos han contado que el soldado Manuel Lois García murió a bordo de un buque de guerra al usar su cuerpo como barrera para evitar mayores daños en la embarcación. Ordessiete ha conseguido acceder al documento oficial redactado por el teniente de Navío de la dotación del Crucero Almirante Cervera, de 17 de agosto de 1938 en el que relata con detalle la trágica muerte del soldado ordense. A continuación se traslada el documento literal:


“Que a las 10 de la mañana del día 7 de Septiembre de 1937 encontrándose el Crucero “Baleares” en las proximidades de Argel avistó a Fuerzas Navales rojas formadas por, los Cruceros “Libertad” y “Méndez Núñez” y ocho Destructores convoyando cuatro barcos mercantes; el citado buque abrió fuego sobre el enemigo, entablándose combate seguidamente durante el cual el Crucero “Baleares” recibió dos impactos de 15,24 centímetros procedentes de disparos del Crucero “Libertad”, uno de ellos en el costado de babor a proa y otro en la chimenea. Por efecto de la explosión del proyectil que dio en la chimenea quedó fuera de combate toda la dotación del cañón 4 de 12 centímetros de babor, a excepción del apuntador vertical, parte de la del 2, el Auxiliar de Artillería del grupo de 12 centímetros de proa, que falleció al poco tiempo e igualmente resultaron heridos, el Guardia Marina del grupo de proa y el Alférez de Navío que lo mandaba, así como el Teniente de Navío que mandaba el grupo de popa.

Uno de los cascotes penetró por la parte alta de una caja de urgencia, situada a babor a la altura del cañón 2, que contenía tres ó cuatro hileras de chilleras con iluminantes, incendiando un cartucho de éstos cuyo proyectil hizo explosión en el interior de la caja, en cuyo momento, el soldado de Infantería de Marina Manuel Lois García, telefonista del cañón 4, con puesto inmediato a la caja, ve como sale humo de ella y se abomba por su parte posterior, y dándose cuenta del peligro que una explosión probable de los proyectiles iluminantes y de los de alto explosivo situados en las chilleras de debajo de aquellos puede acarrear, se dirige a la caja y zafa la única tuerca que tiene echada la puerta; al zafarse la tuerca, la presión interior abre la puerta con violencia y una llamarada grande, da de lleno sobre el cuerpo del soldado Manuel Lois que recibe en el pecho el paracaídas del iluminante que hizo explosión y no obstante empezarle a arder las ropas se apodera de un proyectil que tira al agua, después, corre hacia popa envuelto en llamas alcanzándole, a la altura del cuarto del cuarto del Oficial de guardia dos Marineros del trozo de auxilio de proa que lo despojaron de las ropas y lo entregaron al trozo de auxilio de popa. Conducido a la Enfermería y después de curado, fue evacuado en una camareta en la que falleció por la noche del día siguiente día”.

Por esta heroica acción, al Manuel Lois García, ‘Soldado Lois’, le fue otorgada de manera póstuma la más alta condecoración militar al valor heroico, la Cruz Laureada de San Fernando.

Foto: Momento de la ofrenda floral en memoria del Soldado Lois que cada año tiene lugar en el cementerio municipal de O Balado.

*

Ordes conmemora mañá o Día Mundial Contra o Cancro de Mama

Membros da Asociación Española Contra o Cancro ofrecerán información sobre esta enfermidade nunha mesa que se instalará no centro de saúde ordense de 10 a 13 horas

Teléfono da sede de Ordes de Asociación Española Contra o Cancro: 981 680221

O centro de saúde de Ordes acollerá mañá mércores día 22 unha mesa informativa sobre o cancro de mama. O horario de atención ó público irá dende as 10 ata as 13 horas. Deste xeito tódalas persoas que se acheguen poderán obter información útil sobre a prevención, tratamentos, diagnósticos ou calqueira outro aspecto relativo a esta enfermidade.


Para poder levar a cabo esta iniciativa a AECC de Ordes conta coa colaboración do departamento de Sanidade do concello ordense. “Deste xeito pretendemos conmemorar o Día Mundial Contra o Cancro de Mama que tivo lugar o pasado 19 de setembro”, asegura Emilia Vázquez Pardo, presidenta da sede local da AECC. Unha data na que non se organizou ningún evento no concello por coincidir en domingo, “de ahí que se faga este mércores, porque así aproveitamos para falar coa xente que veña á feira”, puntualiza Emila Vázquez.

Ata o centro de saúde achegaranse membros do equipo do goberno dirixido por Manuel Regos. Un xesto co que queren amosar o seu apoio e solidaridade na loita contra esta infermidade que cada vez consiguen superar máis mulleres. Alí serán recibidos pola presidenta da AECC en Ordes, así coma outras integrantes entre as que estarán Argentina Campos, Concepción Castro, Mari Carmen Pérez, Marina Lamas ou Mari Carmen Iglesias, entre outras.

Podes ver un vídeo explicativo sobre o cancro de mama facendo clic baixo estas liñas:



Fondos necesarios para a investigación
Dende a AECC de Ordes queren aproveitar o acto de mañá para concienciar á xente “da importancia que teñen as aportacións económicas para recaudar fondos de cara á investigación”, destaca Emilia Vázquez. “Ter socios é importante pero non se pode avanzar se non hai cartos cos que investigar e continuar cos proxectos que está a realizarse”. A pesar de que na mesa que mañá se instalará no centro de saúde no se recollerán cartos, tódolos interesados recibirán a información precisa para saber onde e cómo poden contribuir na loita contra o cancro da maneira máis rápida e fectiva.

Na actualidade preto de 300 persoas están inscritas na AECC de Ordes. Para calqueira consulta poden acudir ó número 43 da rúa Fuente Estrey ou ben contactar no 981 680 221. Tamén o poden facer no bar Salón, ubicado no parque Félix Rodríguez de la Fuente.

*

Aberto o prazo de inscripción para participar nos novos obradoiros culturais e deportivos

Ioga, pintura e debuxo, teatro, baile, aerobic, patinaxe, fútbol ou ximnasia son algunhas das actividades ás que xa te podes apuntar
 
A Concellería de Cultura e Deportes de Ordes pon en marcha unha nova quenda de actividades destinadas ós veciños e veciñas de tódalas idades. Trátase dos obradoiros culturais e deportivos de outono e inverno e que darán continuidade os xa realizados en datas anteriores, gozando dunha gran aceptación por parte dos ordenses.


No listado de obradoiros culturais figuran actividades como o ioga. Neste caso as clases, tanto de perfeccionamento coma de iniciación, desenvolveranse en distintos grupos os luns e os mércores no local cultural cun horario que vai dende as 19 ata as 22 horas. Os que gusten de bailar poderán disfrutar das clases de bailes de salón no mesmo espazo tódolos venres de 21 a 22 horas ou ben de 22 a 23 horas.

O Concello de Ordes volve a ofrecer clases de pintura e debuxo na escola antiga. Os venres e os sábados, a partir das 18.30 e 10.30 respectivamente, serán os días nos que os máis cativos poderán agarralos pinceis e poñerse diante dos cabaletes. No caso dos adultos as clases, de dúas horas de duración para tódolos grupos, terán lugar os venres a partir das 19.30 horas. O teatro cerra o programa de actidades culturais. Os que se animen a subirse ó escenario terán unha cita os sábados de 11 a 13 horas na Casa de Cultura.

Dentro das ofertas deportivas figuran os cursos de ximnasia de mantemento e de aerobic, que cada martes e xoves terán lugar no local cultural de 19.30 a 20.30 horas e de 20.30 a 21.30 horas respectivamente. No que se refire ós cursos de patinaxe, éstes desenvolveranse os mércores e venres dende as 18 ata as 19.30 horas no pavillón Campomaior. Por outra banda os veciños e veciñas tamén contarán coas escolas municipais de fútbol, fútbol sala e hóckey. Nestes casos os encargados de levar a cabo os programas formativos serán os clubes correspondentes.

Prezo: 31,35 eurosO prezo para cada unha destas actividades será de 31,35 euros e haberá un máximo de alumnos co fin de poder prestar un servizo de calidade. No caso das familias numerosas poderán beneficiarse dun desconto de ata o 50 por cento. Terán preferencia aquelas persoas empadroadas no concello, reservándose as prazas por rigurosa orde de chegada. O prazo de inscripción permanecerá aberto dende hoxe luns ata o vindeiro día 30 deste mes no departamento de Cultura e Deporte, ubicado na planta baixa da Casa Consistorial. O horario de atención ó público vai de luns a venres dende as 9 ás 14 horas, así coma os martes de 17 a 19 horas. As preinscrippcións deberán ir acompañadas dunha fotocopia do DNI da o solicitante.

Ximnasio municipal
Ademáis das actividades englobas nos obradoiros propiamente ditos, os veciños e veciñas que desexen estar en forma tamén poderán facer uso do ximnasio municipal. Ubicado no pavillón Castelao permanecerá aberto durante todo o ano, agás nos meses de verán, de luns a venres nun horario que vai dende as 18.30 ata as 22.30 horas. Os seus usuarios e usuarias poderán contar tamén co asesoramento gratuíto dun adestrador persoal.

Ordes en loita contra os lumes forestais

Voluntariado verde levou a cabo charlas en varias parroquias sobre a vixilancia e prevención de lumes

As parroquias de Beán, Mesón do Vento, Santa Cruz de Montaos e Ordes acolleron durante os pasados luns e martes un ciclo de charlas informativas sobre a Lei 3/2007 de prevención e defensa contra os incendios forestais en Galicia. Deste xeito a concellería de Medio Ambiente de Ordes continúa co programa Voluntariado verde desenvolvendo o seu segundo bloque, adicado á vixilancia e prevención de lumes. As charlas, impartidas por dous enxeñeiros técnicos forestais con coñecementos de prevención e defensa contra incendios, tiveron como destinatarios os veciños das catro parroquias ubicadas no concello de Ordes.
 
Prevención e extinción de incendios no rural
A Lei 3/2007 actualiza o réxime xurídico que regula os incendios no medio rural, integrando a prevención e a extinción, a protección da poboación das infraestructuras e das instalacións agrarias, así coma a importancia de manter franxas de terreo libres de vexetación para evitar a propagación do lume. A ordenación preventiva do terreo e da selvicultura son otros dos aspectos que contempla dita norma. Estas xornadas son froito dun convenio de colaboración entre a Dirección Xeral de Xuventude e Voluntariado e a dirección Xeral de Montes, dependentes da Consellería de Traballo e Benestar e da de Medio Rural respectivamente.

A frase de Xesús Pedreira, concelleiro de Medio Ambiente, Medio Rural e Sanidade de Ordes
“O obxetivo principal é implicar activamente os nosos veciños e formalos nas labores de prevención para reducir o número de incendios forestais no concello, ademáis de dar a coñecer mellor a lei para que voluntariamente se cumpra sin ter que mediar por medio denuncias entre veciños para ser resoltas polas Administracións”
 
Foto: Momento dunha das charlas informativas no local social da parroquia de Beán.
 
*

Satisfacción entre os populares polo investimento da Xunta nos CEIP Castelao e Mesón do Vento

Estrella Vázquez visitou esta tarde os traballos executados no CEIP Castelao, que permitiron a renovación integral dos baños da primeira planta e a construcción dun baño de discapacitados

A Xestora do PP de Ordes informa hoxe de que as obras por valor de 120.000 euros executadas pola Xunta de Galicia durante este verán nos CEIP Castelao e Mesón do Vento "remataron en prazo e permiten que os dous centros inicien o novo curso escolar con instalacións renovadas e acordes coas súas necesidades".


Así o constatou esta tarde a presidenta da xestora local, Estrella Vázquez , ao visitar as melloras levadas a cabo no CEIP Castelao por un importe de 60.000 euros. Ademais da renovación integral dos baños da primeira planta e a construcción dun baño de discapacitdos, previstas no proxecto inicial, a actuación incluíu, tamén, o pintado das pareces e as portas do corredor central do colexio.

No CEIP Mesón do Vento, informan os populares, o investimento doutros 60.000 euros "permitiu remodelar a cociña do centro para adaptalas aos novos requerimentos de aplicación para este tipo de instalacións".


A frase de Estrella Vázquez, presidenta da Xestora do PP de Ordes
"Este investimento fora acordado en maio pasado, nunha reunión celebrada entre a presidenta da xestora local do Partido Popular coa xefa territorial de Educación na Coruña, á vista da pasividade amosada polo Concello de Ordes en relación coas necesidades dos centros educativos do municipio".

*

Ordenses ilustres (III): José Portos

Fue uno de los primeros integrantes del Partido Comunista de España en el exilio argentino

José Portos nació en Frades, pero en 1931emigraría a Buenos Aires, ciudad que ya nunca abandonaría. Allí se afilió a la sociedad de Frades que más tarde, en 1939 se unificaría a la Sociedad de Ordenes en Argentina. Allí regentaría un pequeño comercio de colchones, si bien por lo que tendría un papel destacado en la sociedad de la época sería por ser uno de los primeros integrantes del Partido Comunista de España (PCE ) en el exilio argentino, a mediados de los años 40. Junto al sastre lucense Gerardo Díaz (1893-1981), lider comunista republicano en el exilio, se integra en el Junta Ejecutiva del PCE como secretario de relaciones durante el periodo 1950-1955.

Tras un descanso, en 1960 volvería a integrar la Junta Ejecutiva del PCE hasta 1976. Finalmente moriría en Buenos Aires en 1980. Su cuerpo fue velado en la sede del PCE de la localidad de Chacabuco.

*

O BNG de Ordes apoia a folga xeral do 29-S

Os nacionalistas consideran que a reforma laboral precisa dunha "forte contestación social e política"

Castro: "A actual reforma laboral atrasará a saída da crise e recortará os dereitos dos traballadores"

O BNG de Ordes presentou o pasado xoves unha iniciativa na que propón o apoio da corporación municipal á convocatoria e á mobilización da Folga Xeral do vindeiro 29 de setembro.


O portavoz municipal do BNG de Ordes, Gonzalo Castro, xustificou a presentación desta moción manifestando que “a actual reforma laboral, que aumenta a flexibilidade no despedimento e na aplicación do salario pactado, atrasará a saída da crise e fará recaer sobre a clase traballadora as súas consecuencias máis dramáticas, supoñendo un recorte nos dereitos dos traballadores e traballadoras”.

Castro salientou que “ante esta reforma laboral é necesaria unha forte contestación social e política, como a convocatoria de folga xeral o vindeiro 29 de setembro, que desde o BNG apoiamos para que se muden as políticas económicas contrarias aos intereses de traballadores e traballadoras e da sociedade en xeral, ao tempo de defender un modelo económico que garanta prioritariamente o benestar das persoas a través da súa estabilidade nos empregos e o acceso a servizos públicos de calidade”.

A frase de Gonzalo Castro, portavoz do BNG de Ordes
“Desde o BNG agardamos que a corporación municipal defenda de xeito unánime os dereitos dos traballadores e traballadoras de Ordes, apoiando a folga xeral do vindeiro 29 de setembro”
 
*

Un historiador rechaza el gentilicio 'ordense' para los habitantes de Ordes

Según este, debemos ser llamados "ordenenses" u "ordinenses"


El historiador Tomás de la Torre Aparicio, autor de tres volúmenes de Gentilicios españoles (Editorial Vision Net, 2006) rechaza el gentilicio de 'ordense' para nombrar a los habitantes de Ordes. En su lugar reclama los de "ordenense" u  "ordinense".

Gentilicios españoles hace un repaso a través de sus 524 páginas a todos los gentilicios de todas los municipios españoles. Así  por ejemplo, además de gallegos, hemos de saber que según este autor, podemos ser definidos como galaicos o incluso como ártabros.

*