O Concello repartirá no centro médico e nas farmacias un novo modelo de receita e un glosario de termos en varios idiomas Os idiomas escollidos son o galego, español, francés, inglés, rumano e árabe
O Concello de Ordes ven de presentar hoxe unha iniciativa pioneira á hora de facilitar as relacións entre os médicos e os pacientes, especialmente no caso dos inmigrantes que, no caso de Ordes, se achegan ao milleiro de persoas. En colaboración coa ONG Ecos do Sur, se elaboraron tres materiais informativos que comezarán a repartirse a vindeira semán entre as farmacias do municipio, o persoal sanitario do centro de saúde e tamén entre o colectivo migrante de Ordes. Trátase dunha guía sanitaria, dun novo modelo de receita e un glosario de termos en distintos idiomas que “o persoal sanitario e as farmacias usarán para superar as barreiras lingüísticas cos inmigrantes, facilitando así un uso máis responsable dos recursos de saúde públicos”, apunta Francisco Hurtado, director de Ecos do Sur.
Galego, español, francés, inglés, rumano e árabe
O aspecto máis novidoso é un folleto dirixido ao persoal sanitario do centro de saúde de Ordes e que recolle termos de uso cotiá nunha consulta traducidos ao galego, español, francés, inglés, rumano e árabe. Deste xeito, o paciente pode explicar claramente cales son os seus síntomas e o médico pode explicarlle o tratamento a seguir ou derivalo á atención especializada correspondente.
Neste mesmo ámbito móvese tamén a nova receita para o centro de saúde de Ordes. Unha receita moi visual e traducida ao castelán, inglés, francés e árabe, e que recolle detalladamente como se debe aplicar o tratamento dun xeito sinxelo e esquemático. Finalmente, a Guía Sanitaria recolle nas súas 16 páxinas unha guía dos recursos sanitarios no municipio de Ordes, teléfonos de interese, recomendacións para o bo uso da sanidade pública, etc.
Neste mesmo ámbito móvese tamén a nova receita para o centro de saúde de Ordes. Unha receita moi visual e traducida ao castelán, inglés, francés e árabe, e que recolle detalladamente como se debe aplicar o tratamento dun xeito sinxelo e esquemático. Finalmente, a Guía Sanitaria recolle nas súas 16 páxinas unha guía dos recursos sanitarios no municipio de Ordes, teléfonos de interese, recomendacións para o bo uso da sanidade pública, etc.
As frases de Manuel Regos, alcalde de Ordes
"Somos o primeiro concello en Galicia que presenta esta novidosa serie de materiais sanitarios dirixidos á poboación migrante e ao persoal sanitario do centro de saúde de Ordes”
"Detectamos unha barreira no acceso deste colectivo á sanidade e pensamos que con estes materiais imos facilitar a comunicación entre os médicos-farmacéuticos e os pacientes”
A frase de Ana Alvarez, concelleira de Servizos Sociais
"Este tipo de iniciativas serven para que a poboación inmigrante poda acceder á atención sanitaria nas mesmas condicións que o resto dos veciños. O obxectivo final é que haxa unha maior integración do colectivo inmigrante en Ordes”
A frase de Xesús Pedreira, tenente de alcalde e concelleiro de Sanidade
“É unha aposta moi forte por ter unha sanidade mellor en Ordes”
*
