A visita de Bernardino Rama anuncia o comezo das obras da senda peonil e da rehabilitación do Recreo

.
O deputado socialista Bernardino Rama fixou en seis meses o prazo de execución das obras

Regos: "Estas obras permitirán mellorar a calidade de vida dos nosos veciños e veciñas ademais de favorecer a súa seguridade vial"

Manuel Regos recibiu esta mañá a visita do presidente da comisión de Obras da Deputación da Coruña, Bernardino Rama, co obxecto de presentar conxuntamente as dúas obras que esta entidade vai executar no Concello e que supoñen un investimento de preto de 800.000 euros. Por un lado, a senda peonil que unirá o barrio do Paraíso coa estrada que pasa polo núcleo de Poulo, seguindo a estrada a Ponte Carreira e a antiga estrada a Poulo -actualmente en proceso de licitación-; e por outro, a rehabilitación da rúa do Recreo -cuia licitación agárdase para o mes de agosto-. Rama fixou en seis meses o prazo de execución das obras.

Un investimento de máis de 300.000 euros

Situado na marxe esquerda dun tramo con grande circulación de vehículos a altas velocidades, entre as características deste paseo peonil, que suporá un investimento de 302.636,10 euros, destaca que o sendeiro terá unha extensión total de 1.580 metros, cun ancho de 1,80m separada da estrada por un arcén de 20 centímetros e un espacio para recoller os pluviais de 30 cm, o que garantirá a seguranza dos viandantes.

Segundo destacou Bernardino Rama, o ancho da senda será variable “por non existir terreno suficiente de dominio público para poder garantir o mesmo ancho en toda a súa extensión”, polo que fixo un chamamento á colaboración dos veciños cuxas propiedades estean situadas na marxe pola que descorrerá a senda, para que cedan terreos para garantir ese ancho, “nese caso a Deputación garante a reposición dos peches de fincas que se vexan afectados”.

E case que 430.000 euros para o recreo

Rama tamén fixo mención á outra das obras, a rehabilitación da Rúa do Recreo, “unha vella aspiración do municipio cuxa execución era tan necesaria para as infraestruturas deste Concello”. Cunha lonxitude total de 900 metros, estes traballos orzamentados en 429.406,42 euros.
Os traballos nesta rúa incluirán a instalación de novas beirarrúas, pavimentación con baldosa de formigón tipo Santiago, execución de novos sumidoiros, colocación dunha columna artística de catro metros de altura para alumbrado público así como resposición da pavimentación da calzada e reposición de toda a sinalización horizontal e vertical.

.

As frases de Manuel Regos, alcalde de Ordes

"Estas obras permitirán mellorar a calidade de vida dos nosos veciños e veciñas ademais de favorecer a súa seguridade vial especialmente no caso dos usuarios da futura senda peatonal que é o primeiros sendeiro destas características co que imos contar no municipio"

"Agardamos que ambas obras sexan unha realidade no prazo dun ano, en torno a xuño do ano que ven"

*

El Estado dota a Iván Raña con una ayuda de 30.000 euros

.
El de Ordes aparece en la lista de deportistas beneficiados con beca ADO para los juegos olímpicos de Londres en 2012

Son seis los deportistas gallegos que contarán con una beca de la Asociación Deporte Olímpico (ADO) y entre ellos estará nuestro Iván Raña que pese a pertenecer al club ciclista Xacobeo, gozará de la ayuda en la categoría deportiva de triatlón, junto al ferrolano Javier Gómez Noya. La asamblea de ADO contempla la concesión de 173 becas y unos 200 planes especiales que aún deben concretarse con las federaciones.
.

Diferentes cuantías
El importe máximo de las ayudas será de 60.000 euros para aquellos deportistas medallistas de oro. Cuantía que desciende hasta los 50.000 euros para los medallistas de plata, y de 45.000 euros para los de bronce. Los diplomas olímpicos, los que hayan quedado en cuarto puesto se llevarán 34.000 euros (categoría D1), por los 30.000 (D2), 27.500 (D3), 24.000 (D4) y 20.000 euros (D5).

Iván Raña, perteneciente al grupo D2 al quedar quinto en los juegos de Pekín, se llevará una beca de 30.000 euros para preparar los juegos olímpicos de Londres en 2012.





*

Aberto o prazo de inscripción para o primeiro curso de verán da USC en Ordes

.
Versará sobre a xestión ambiental nos concellos galegos, poderán anotarse un máximo de 50 alumnos

O importe da matrícula oscilará entre os 70 e os 120 euros

Visitarán o embalse de Vilagudín, o punto limpo, as ETAP e EDAR e a planta de Sogama

O Concello de Ordes e a Universidade de Santiago de Compostela (USC) abren esta semana o prazo de inscrición no curso de verán “A xestión ambiental nos concellos galegos”, que terá lugar entre o 7 e o 11 de setembro en Ordes. Trátase da primeira ocasión na que Ordes será sede dun curso de verán da Universidade, no que poderán participar un máximo de 50 alumnos.

A matrícula, antes do 28 de agosto
A matrícula poderá formalizarse, antes do 28 de agosto, nas Secretarías dos Cursos de Verán dos campus de Compostela e de Lugo ou no Concello de Ordes. O importe da matrícula é de 120 euros, se ben haberá unha matrícula reducida de 70 euros para os estudantes, persoas desempregadas e persoal da USC.

Este curso é unha iniciativa presentada polo Concello de Ordes, en colaboración con Francisco Peña Castiñeira, que será o director do curso, e María Julia Melgar Riol, secretaria do mesmo. Contará con poñentes de gran nivel e complementarase cunha serie de visitas prácticas ao embalse de Vilagudín, ao punto limpo e ás ETAP e EDAR municipais de Ordes, así como ao complexo medioambiental de Sogama (Cerceda).

Entre os poñentes figuran recoñecidos estudosos do medio ambiente na Universidade como Domingo Gómez Orea, catedrático da Universidade Politécnica de Madrid, ou Roxelio P. Moreira, profesor de Edafoloxía da USC; así como representantes da Administración e do mundo da empresa, como Martín Pita López, director de Aenor en Galicia ou Carlos Aymerich Rico, Xefe de Explotacións de Espina e Delfín SL.

*

O BNG ordense presenta unha moción en defensa do sector lácteo

.
Reclaman que o Pleno inste á Xunta e ao Goberno central a adoptar medidas na súa defensa

Castro: "A actividade económica dunha parte importante do noso Concello pivota arredor do sector agrario e as actividades económicas vinculadas a él”

O BNG de Ordes presentou unha moción en defensa do séctor lácteo para o seu debate no próximo pleno da corporación municipal.

En concreto, proporán que se adopten os seguintes acordos:

1. Instar ao goberno español a renegociar a actual asignación de cotas entre os distintos estados membros da UE, de xeito que o aumento da cota se dirixa unicamente a aqueles estados que teñen unha cota moi inferior ao seu consumo interno e nos que existen segmentos importantes de explotacións, como é o caso de Galiza, que necesitan máis cota para ser viábeis.

2. Instar ao Goberno español a propoñer na UE unha actuación decidida e concreta para regular os mercados e garantir prezos aos produtores de leite, de xeito que se garanta a viabilidade do sector, do mesmo xeito que se actúa con outros sectores económicos.

3. Instar ao Goberno do Estado e á Xunta de Galiza a coordinar as actuacións necesarias para:

a) Garantir a recollida de todo o leite producido na Galiza.
b) Establecer axudas directas aos produtores de leite, para compensar o baixo prezo do leite en orixe -actualmente por debaixo do prezo de custo- en tanto non se recuperen os prezos de mercado.
c) Garantir a continuidade da industria transformadora existente na Galiza, e en concreto, da planta de Pascual na provincia de Lugo.

4. Comunicar o acordo plenario ao presidente do Goberno do Estado, ao Presidente da Xunta de Galiza, aos grupos parlamentarios do PP, do PSOE e do BNG, no Parlamento Galego e no Congreso dos Deputados.

As frases de Gonzalo Castro, portavoz municipal do BNG de Ordes

“O sector agrario segue a ser un eixe de vital importancia na economía da comarca de Ordes, sendo unha das súas características senlleiras a súa marcada especialización gandeira, e dentro delas, sen lugar a dúbidas, é a produción láctea a que ten un maior peso”

“A actividade económica dunha parte importante do noso Concello pivota arredor do sector agrario e as actividades económicas vinculadas a él”

“A recente modificación da regulación comunitaria do sector lácteo, co horizonte da liberalización da produción de leite en 2015 precedido dun incremento lineal de cota a todos os Estados produtores da Unión Europea, incluídos os excedentarios, vén de sementar incerteza no sector ao que hai que engadirlle un drástico recorte dos prezos percibidos polos gandeiros e gandeiras, pondo ao límite a supervivencia da moitas explotacións leiteiras de moitos concellos galegos"

"Cómpre unha posición institucional inequívoca de apoio ao sector, urxindo que as Administracións competentes adopten as medidas necesarias para garantir a estabilidade e o futuro do sector lácteo galego, e con iso asegurar un medio rural vivo na nosa comarca”

“O Concello de Ordes debe dar un paso máis na defensa do noso séctor lácteo e incrementar as medidas de presión diante das administracións competentes, ademáis de apoiar as mobilizacións dos gandeiros”

Foto abaixo: Manifestación en defensa do sector lácteo en Ordes o pasado 8 de maio de 2009.

*

III Mostra de Obradoiros Culturais da comarca

.
Será inaugurada este luns 22 de xuño en Frades polo presidente da Mancomunidade de Municipios da Comarca de Ordes, Miguel Prado

O Centro Cultural de Frades será sede da III Mostra de Obradoiros Culturais da Comarca de Ordes, que poderá visitarse gratuitamente entre o 22 e o 28 de xuño. Unha exposición que recolle unha selección de traballos de debuxo, pintura, cesteiría, manualidades, bolillos... realizados ao longo deste ano polos veciños de Cerceda, Frades, Mesía, Ordes, Oroso, Tordoia e Trazo.

A mostra será inaugurada este luns 22 de xuño, ás 20:30 horas, polo presidente da Mancomunidade de Municipios da Comarca de Ordes, Miguel Prado Patiño. Un acto no que estarán presentes representantes de todas as entidades que participan nesta exposición e que contará coa actuación musical do grupo de gaitas Sementeira, de Moar (Frades).

Entidades veciñais participantes
Entre os participantes nesta III Mostra de Obradoiros Culturais da Comarca de Ordes figuran dez escolas municipais e asociacións veciñais da comarca ordense. Así, participarán as escolas municipais de Pintura e Manualidades dos Concellos de Cerceda e Mesía, a Escola Municipal de Debuxo e Pintura do Concello de Ordes e a Escola Municipal de Manualidades, Debuxo, Pintura e Bolillos do Concello de Oroso.

Así mesmo, tamén estarán presentes asociacións de veciños como as de Aiazo (Frades) ou Chaián (Trazo); e outras entidades como as asociacións de amas de casa de Frades e Ordes, a Asociación de Mulleres de Trazo e Unidade Galega de Veciños, mulleres rurais de Santa Cruz de Montaos (Ordes).

Horarios
A III Mostra de Obradoiros Culturais da Comarca de Ordes poderá visitarse ata o 29 de xuño no Centro Cultural de Frades en horario de luns a venres, de 10:00 a 14:00 horas e de 19:00 a 21:00 horas; e o sábado 27 de xuño, de 10:00 a 13:00 horas. Esta exposición está organizada pola Mancomunidade de Municipios da Comarca de Ordes e conta co patrocinio da Deputación Provincial da Coruña.


*

Os infantís do S.D. Ordenes, homenaxeados polo Concello

Despois de conseguir o ascenso á Liga Galega de fútbol

O Concello de Ordes homenaxeou ao equipo infantil da SD Club Órdenes, que ven de conseguir o seu ascenso á Liga Galega despois de superar as dúas eliminatorias precisas ante o Muxía e o AD Nicrariense. Unhas eliminatorias que os rapaces de Ordes superaron sen perder ningún dos catro partidos, mantendo así a boa imaxe ofrecida ao longo da Liga, na que tan só empataron un encontro.

O alcalde de Ordes, Manuel Regos, e o conselleiro de Deportes, Ramón Vázquez Raña, recibiron no salón de plenos aos xogadores, pais e corpo técnico da SD Órdenes, que asistiron á homenaxe. Un acto no que lles entregaron aos rapaces uns agasallos cortesía do Concello de Ordes e Reale Seguros.

A frase de Ramón Vázquez, concelleiro de Deportes

"Anímovos a seguir traballando para conseguir non só máis éxitos deportivos, que estou seguro de que chegarán, senón para que sigades medrando como persoas, que é o reto máis importante que teñen estas escolas deportivas"

*

Se inicia o reparto das 10.000 bolsas biodegradables para facer as compras

.
O Concello está a entregar 100 bolsas a cada establecemento comercial da Asociación de Comerciantes de Ordes (Acordes)

Xesús Pedreira: "Estas bolsas non supoñen unha seria ameaza para o medio natural como as bolsas de plástico"

O Concello de Ordes iniciou esta mañán o reparto de 10.000 bolsas de compra biodegradables entre os comerciantes do municipio. Unha campaña posta en marcha pola Concellería de Medio Ambiente en mans do socialista Xesús Pedreira, en colaboración con Sogama e a Asociación de Comerciantes de Ordes (Acordes), cuxos establecementos serán os encargados de entregar de balde estas bolsas biodegradables ao consumidor final.

Durante esta vindeira semana, traballadores municipais entregarán 100 bolsas biodegradables a cada un dos establecementos comerciais ordenses asociados a Acordes. Unhas bolsas peculiares, xa que están feitas a partires de restos de poda e que se biodegradan en tan só 35 semanas.

As frases de Xesús Pedreira, tenente de alcalde e concelleiro de Medio Ambiente

"Estas bolsas son igual de resistentes cas tradicionais de plástico, pero teñen a característica que se biodegradan en apenas 35 semanas e non supoñen unha seria ameaza para o medio natural como as bolsas de plástico"

"A diferencia doutras bolsas de compra, as que se repartirán en Ordes non están feitas nin con patacas nin con millo nin con papel reciclado, senón con restos de poda, é dicir, utilizando residuos que non serven para nada máis e evitando dese xeito utilizar alimentos que poden destinarse a outros fins”

*

O Concello e os centros educativos, máis preto dos inmigrantes

.
Ana Alvarez: "Procuramos unha maior e máis doada integración das familias migrantes no sistema educativo de Ordes"

A concelleira de Asuntos Sociais de Ordes, Ana Álvarez, asinou esta mañán cos directores dos centros educativos do municipio e da ONG Ecos do Sur un protocolo de integración das familias migrantes no eido socioeducativo. Trátase dun “instumento de traballo que aúna os esforzos do sistema educativo e do Concello de Ordes de cara a conseguir unha maior e máis doada integración das familias migrantes no sistema educativo ordense”, explica Ana Álvarez.

O Concello de Ordes, a ONG Ecos do Sur, o CEIP Campomaior, o CEIP Meson do Vento, o CEIP Castelao, o IES Nº 1 e o IES Maruxa Mallo formalizaron esta mañán a sinatura deste protocolo que nace cos obxectivos de facilitar a escolarización dos migrantes, detectar as barreiras que sofren na súa integración no sistema educativo, favorecer a participación das familias no sistema e reducir o tempo de escolarización dos menores.

Guía de educación para migrantes

Así mesmo, o Concello editou paralelamente a guía “A educación para migrantes residentes en Ordes”, na que se expoñen as características principais do sistema educativo en Galicia e os recursos existentes en Ordes, así coma os dereitos e deberes implícitos para todos os cativos: que ten que ir á escola, que días hai clases, cando hai que matricularse, servizos complementarios, etc.

Unha información condensada en catro páxinas e editada en cinco idiomas: galego, castelán, inglés, francés e árabe. Unha guía editada polo Concello de Ordes en colaboración coa Secretaría Xeral de Emigración da Xunta, o Ministerio de Traballo e Asuntos Sociais e a ONG Ecos do Sur.

A frase de Ana Alvarez, concelleira de Asuntos Sociais

"Dende a concellería detectamos que as familias migrantes teñen a miúdo dificultades para integrarse con normalidade no sistema educativo debido xeralmente ao descoñecemento do sistema"

A frase de Francisco Hurtado, presidente de Ecos do Sur

"Este protocolo é froito dun traballo transversal contando coa participación, non só da nosa entidade, senon tamén cos centros educativos e do Concello de Ordes"

*

Analizamos los resultados electorales en la mancomunidad de Ordes

El PP gana en los siete concellos, pero es en Tordoia (72%) y Trazo (63%) donde arrasa

En Oroso y Mesía el PSOE gana votos y sólo en este último se acerca al PP

El BNG pierde votos en todos los concellos, pero es en Frades y Mesía donde se muestran más fuertes

A la espera de que el Ministerio de Interior publique los datos definitivos de las elecciones al Parlamento Europeo del pasado 7 de junio, que como recordarán deberá contemplar los 93 votos erróneamente adjudicados al Movimiento Social Republicano en perjuicio del PSOE, daremos un repaso a los resultados electorales de nuestra mancomunidad, que como saben, comprende los municipios de Cerceda, Tordoia, Trazo, Ordes, Oroso, Frades y Mesía.

Cerceda. No hay más partidos que los tres
Contó con una abstención del 52,7% y el número de votantes fue de 2.312. El PP ganó las elecciones con 1.184 votos (51,66) frente a los 805 del PSOE (35,2%) y los 215 votos del BNG (9,3%). La presencia de otras formaciones es anecdótica, pues la cuarta fuerza más votada fue EU-IU con tan sólo 14 votos. Frente al proceso de 2004, el PP ganó 4 puntos, el PSOE perdió algo más de 3 y el BNG algo menos de 3.

Tordoia. Aplastante triunfo de los populares
El 50,2% (1.912 votantes) se abstuvo de votar frente a los 1.894 que sí acudieron a la cita electoral. El triunfo del PP fue aplastante, pues se acercó al 72% de los votos emitidos (1.350), superando en ocho puntos el resultado de los populares en 2004. El PSOE pierde 48 votos (364 en 2009 y más de 3 puntos perdidos) y el BNG se queda con 130 frente a los 213 de 2004 (más de cinco puntos perdidos).

Trazo. El PP gana por goleada
Contó con una abstención del 60,2% (1.896 votos) frente al 39,7% que sí votó (1.249). Triunfo incuestionable de los populares con 786 votos y un 63,1% de los votos. El PSOE pierde 104 votos y se queda con un 27% (337 votos) y el BNG pasa de 94 (7,5%) a 74 votos (5,9%).

Ordes. El PP, pese a ganar, recibió menos votos que en 2004
El 41,2% del censo acudió a votar (4.373) frente a los 6.217 que optó por no hacerlo.
A la espera de conocer el resultado definitivo validado, el PP superó el 54,3% de los votos (2.349), frente a los 1.289 del PSOE y los 490 (11,3% frente al 13% de 2004) del BNG. Los populares ganan algo más de 2 puntos aún habiendo recibido dos votos menos que en 2004, y los nacionalistas pierden 100 votos, o lo que es lo mismo, menos de dos puntos .

Oroso. El PSOE gana 50 votos frente a 2004
Las abstención llegó al 61,65% de los votantes (3.338) frente al 38,3% que sí lo hicieron (2.076). El PP gana con el 50% de los votos (más de cuatro puntos ganados desde 2004). El PSOE, pese a ganar 50 votos desde las Europeas de 2004, ve reducido su porcentaje del 33,6% al 32,9%. El BNG pierde 78 votos dejándose más de cinco puntos desde 2004.

Frades. El PP pierde votos, pero gana
El 63,4% (1.553) del censo decidió no acudir a las urnas frente a los 895 que sí lo hicieron.
El PP gana más de tres puntos pese a perder 8 votos desde 2004, quedándose con 465 papeletas. El PSOE pierde algo más de un punto y se queda con 246 votos frente a los 275 de 2004. El BNG pierde 20 y algo menos de un punto, quedándose con el 15,3% de los votos recibidos.

Mesía. Donde más se equilibran las fuerzas
Fueron 1.113 (41,4%) los vecinos que acudieron a las urnas frente al 58,5% (1.570) que se abstuvo. El PP gana en Mesía con 476 votos, pero la diferencia con el PSOE es de apenas 49 votos (38,8% frente al 43,1%), quienes ganaron 70 votos desde 2004. El BNG pierde 32 papeletas y pasa del 19,1% de apoyos al 14,5%.

*

Los infantiles de la S.D. Ordenes ascienden a Liga Gallega

Después de no perder ningún partido de la doble eliminatoria

Los infantiles de la Sociedad Deportiva Ordenes viene de alcanzar el ascenso a la Liga Gallega después de superar, en las dos eliminatorias disputadas, al Muxía y finalmente al A.D. Nicrariense. El resultado de 1-0 para los ordenses le valió para alcanzar el ascenso después de empatar sin goles en Negreira.

Enhorabuena y a por mayores logros!

*

Denuncian en la prensa la falta de aceras en Alfonso Senra

.
¿Qué hacer con la falta de aceras en la N-550 a su paso por la villa? ¿Un problema urbanístico sin solución?

El Correo Gallego, en su edición de ayer sábado publicaba la denuncia de un lector alertando de la falta de aceras en la avenida de Alfonso Senra. En concreto, se recoge lo siguiente:

La calle Alfonso Senra, de Ordes, no dispone de aceras para permitir el paso de dos transeúntes. Se aprecia en primer plano y el círculo señala, además, un tramo carente total de acera. Por ser la carretera N-550, es de titularidad de Fomento, que debiera buscar la forma de solucionarlo. Tal vez no permitiendo aparcar coches.

La foto que acompaña la denuncia está tomada a la altura de comercio de Teresa Alvarez en dirección norte. Curiosamente, se puede apreciar claramente en primer plano a una vecina de la acera objeto de la polémica como es Ana Hervés Alvarez en compañía de su hijo.

Puedes ver el artículo a través de este enlace.

*

A Garda Civil estrea o local cedido polo Concello

.
Regos: "Por fin a Garda Civil conta cun local digno en Ordes dende o que poder ofrecer unha boa atención aos nosos veciños"
.

O alcalde presentará o vindeiro martes ante a Dirección Xeral da Garda Civil o proxecto definitivo para a casa cuartel
.

Os 21 axentes que a Garda Civil ten Ordes estrearon onte venres as súas novas dependencias ubicadas nun local situado xusto enfronte do actual posto e que foi cedido por un prazo de dous anos polo Concello de Ordes (data na que xa estará construida a casa cuartel). Unhas instalacións que foron visitadas polo alcalde Manuel Regos, e polo concelleiro de Urbanismo, Roberto González.
.

O novo local ten unhas dimensións de 338 metros cadrados, que substitúen ao antigo e obsoleto posto da Benemérita no que tan só había 40 metros cadrados para a atención ao público.


As novas instalacións, que serán inauguradas próximamente, contan con un área de recepción e zona de espera, un par de calabozos con aseo independente, unha oficina para o equipo de investigación, unha oficina para a recepción de denuncias e outra para intervención de armas, tres despachos, arquivo, sala de xuntas, baños e vestiarios con baños para homes e mulleres.
.
Deste xeito, por exemplo, evítase que os detidos tivesen que compartir espazo cos veciños que acudían ao posto. Ademais, a Garda Civil terá un aparcamento para ata catro vehículos, que antes tiñan que estacionar na rúa, fronte ao antigo posto.
.


Lugar confidencial

As novas instalacións permitirán dispoñer dun lugar confidencial onde poder expoñer o caso ante os axentes. Unha situación que xa fora denunciada en reiteradas ocasións dende a concellería de Asuntos Sociais de Ordes e dende o Centro de Información á Muller, xa que as mulleres maltratadas non dispoñían dun lugar privado dende o que facer as súas denuncias e, en moitas ocasións, tiñan que expoñer o seu caso diante de outros veciños presentes no local.
.

Manuel Regos explica que o Concello de Ordes cederá este local á Garda Civil por un periodo de dous anos, tempo durante o cal se construirá a casa cuartel no barrio do Paraíso. Unha medida transitoria que xa fora aprobada polo pleno municipal do mes de maio de 2008.
.

Unha vez que o pleno municipal do pasado mes de maio de 2009 aprobou todos os trámites administrativos necesarios para a cesión dunha parcela de 1.350 metros cadrados ubicada no barrio do Paraíso (Ordes), agora será a Dirección Xeral da Garda Civil quen sacará a licitación a construción dunha Casa Cuartel con capacidade ata para 30 axentes.

Un proxecto no que se van investir uns 1,6 millóns de euros e que o Concello de Ordes agarda que sexa licitado a finais de 2009, de xeito que as obras poidan comezar o vindeiro ano 2010.
.
As frases de Manuel Regos, alcalde de Ordes
"Por fin logramos que, despois de case trinta anos, a Garda Civil teña en Ordes un local digno dende onde dar un servizo axeitado e de calidade aos veciños e veciñas de Ordes"

"Trátase dunha medida de carácter eventual, por un máximo de dous anos, ata a construción do cuartel cuxo proxecto definitivo entregarei este martes en Madrid diante da Dirección Xeral da Garda Civil"
.

As frases de Roberto González, concelleiro de Urbanismo e Obras
"Estas novas instalacións permitirán ofrecer un mellor servizo aos veciños que teñan que presentar unha denuncia ou reclamación, xa que agora disporán dunha sala separada na que poder facelo e non terán que pasar o apuro de explicar o seu caso diante do resto de persoas que estén presentes no local nese intre"

Fotos: Despachos (arriba); sala de denuncias (medio); exterior (abaixo).

*

Xesús Pedreira fixo entrega dos diplomas dos cursos de silvicultura

Xesús Pedreira: "A certificación forestal contríbúe á sostibilidade dos recursos forestais"

Aqueles veciños que non puideron recoller hoxe o seu diploma, poderán retiralo na casa do concello cando o desexen

Preto dun cento de veciños e veciñas de Ordes participaron ao longo das últimas tres semanas nos tres cursos de formación gratuitos sobre silvicultura organizados pola concellería de Medio Ambiente de Ordes. Uns cursos, de 30 horas de duración (25 de teórica e 5 de práctica), e que dan dereito a un diploma acreditativo, que foi entregado esta noite polo concelleiro de Medio Ambiente, Xesús Pedreira.

A importancia da certificación forestal

O concelleiro socialista coincidiu esta tarde cos alumnos do curso “Boas prácticas forestais: directrices de xestión forestal sostible”, ante quen destacou a importancia da certificación forestal xa que “contríbúe á sostibilidade dos recursos forestais, obtéñense produtos madereiros e non-madereiros de calidade, foméntase a profesionalización do sector forestal e mellórase o desenvolvemento e fixación de poboación no rural”.

As citas anteriores foron un curso sobre poda agroforestal, no que os alumnos aprenderon distintas técnicas de poda dacordo coas distintas especies; e un curso sobre ordenación de montes, ao que asistíu unha vintena de persoas. Moitos dos alumnos que participaron nestes dous cursos non puideron asistir hoxe á entrega de diplomas de asistencia, polo que poderán retiralos en calquera momento no departamento de Medio Ambiente do Concello de Ordes.

*

Gonzalo Castro afirma que as acusacións do Partido Popular con él son falsas

.
O nacionalista asegura que o PP está preocupado coa alternativa de goberno que representa o BNG en Ordes

O portavoz municipal do BNG de Ordes, Gonzalo Castro respondeu as acusacións do Partido Popular, que facían referencia a que o portavoz nacionalista ordense ten participación nunha empresa que ten sido adxudicataria de contratos coa Xunta de Galicia, afirmando que “as acusacións do PP son rotundamente falsas, xa que eu non teño participación en ningunha empresa que contrate coa Administración Pública”.

"Alternativa do goberno que representa o BNG"
Para o portavoz nacionalista, “estas acusacións demostran que o PP está moi preocupado coa alternativa de goberno que representa o BNG en Ordes, por iso trata de desprestixialo diante da opinión pública con acusacións falsas”.

Finalmente Castro manifestou que “estudaremos as accións a adoptar para defender a nosa imaxe diante das acusacións falsas do PP”.

*

Camiñando dende Poulo a Ordes

.
O Concello consegue unha subvención de 800.000 euros da Deputación que se irán para unha senda peonil e o arranxo do Recreo

Regos: "A senda verde de máis de catro quilómetros permitirá ir andando dende Ordes ata Poulo"

No Recreo se mellorará o seu entronque coa N-550, dotarase de novas beirarrúas e se botará unha capa de aglomerado

O Concello vén de conseguir unha subvención de 800.000 euros da Deputación Provincial da Coruña para acometer dúas importantes obras para o futuro do municipio: a construción dunha senda peonil de máis de catro quilómetros entre Ordes e Poulo; e unha profunda remodelación da rúa do Recreo, unha travesía responsabilidade da institución provincial.

Do Paraíso a Poulo
Este paseo peonil, ou senda verde, consiste nunhas beirarrúas de dous metros de ancho, cunha base de zahorra artificial compactada e con quince centímetros de formigón. Un paseo que unirá o barrio do Paraíso (Vila de Ordes) coa localidade de Poulo (parroquia de Poulo) ao longo de máis de catro quilómetros seguindo a estrada a Ponte Carreira e a antiga estrada a Poulo.

Un gran proxecto que, unido á travesía alternativa de Ordes aprobada pola Xunta en febreiro deste ano, permitirán que Ordes conte cun gran paseo peonil, duns sete quilómetros de lonxitude, que sairía de Poulo e remataría no IES Maruxa Mallo. Un gran paseo que incluiría tamén máis de dous quilómetros de carril bici.

Profundo arranxo da Rúa do Recreo
Así mesmo, o acordo coa Deputación da Coruña tamén inclúe un profundo arranxo da rúa do Recreo. “Imos botarlle aglomerado, construir novas beirarrúas, instalar novo alumeado e reparar o saneamento aló onde sexa preciso”, anuncia o concelleiro de Urbanismo, Roberto González.

A concesión desta subvención de 800.000 euros da Deputación da Coruña é froito do traballo e das longas negociacións levadas a cabo polo grupo de Goberno de Ordes e a institución provincial. Unhas negociacións que comezaron coa visita a Ordes do responsable de Obras da institución provincial, Bernardino Rama, o pasado 12 de febreiro de 2008, e que culminan esta semana.
.
As frases de Manuel Regos, alcalde de Ordes
"Agradezo a gran colaboración amosada pola Deputación da Coruña, que permitirá acometer dúas obras que mellorarán a calidade de vida dos nosos veciños e veciñas, que poderán disfrutar en breve dun paseo peonil que permitirá ir andando dende Ordes ata Poulo"

“Esta obra [senda verde] incrementará sobremaneira a seguridade vial dos veciños e veciñas desta zona, en especial dos nenos e nenas que estudian no colexio Castelao ou no IES nº 1 que poderán volver ás súas casas por un camiño seguro, xa que na actualidade este tramo carece de beirarrúas”

A frase de Roberto González, concelleiro de Urbanismo e Obras
“Tamén imos mellorar especialmente a conexión desta travesía coa N-550, xa que o entroque vaise facer en formigón, o que evitará o deterioro do firme da estrada como acontece agora”.

Foto: Pista por onde irá gran parte da senda verde peonil.

*

O BNG quere un centro de día para Ordes

.
Os nacionalistas veñen de presentar unha moción sobre o particular para o seu debate polo Pleno

Lembran que Feijóo prometeu construilos en todos os Concellos de máis de 1.500 habitantes

O Grupo Municipal do BNG de Ordes ven de presentar unha moción para o seu debate polo Pleno da Corporación na que propón que o Concello de Ordes inste á Xunta de Galicia a construir un Centro de Día en Ordes.

Os nacionalistas lembran na exposición de motivos da moción que Feijóo comprometeuse no debate de investidura a construir un Centro de Día en todos os concellos con poboación superior aos 1.500 habitantes, é dicir, nun total de 261 concellos galegos.

O portavoz nacionalista, Gonzalo Castro, explicou que tendo en conta a promesa do Presidente da Xunta e que no Concello de Ordes non existe centro de día é ten máis de 1.500 habitantes, o BNG proporá que o Pleno do Concello de Ordes inste á Xunta ao seguinte:

1. A que licite a construción do centro de día prometido para este concello polo actual presidente da Xunta de Galiza no seu discurso de investidura.

2. A que informe a este concello sobre orzamento, prazo de execución da obra e posta en funcionamento do centro de día.

3. A que informe a este concello dos servizos que prestará o centro de día, do número de prazas e do cadro de persoal.

A frase de Gonzalo Castro, portavoz do BNG de Ordes

"O BNG non vai deixar de amosar a súa satisfacción polo que significaría esta medida para os concellos de Galiza, tendo en conta ademais que en 16 anos de goberno do Partido Popular, entre 1989 e 2005, non se construíu nin existía un só centro de día público no noso país fronte aos 57 promovidos polo BNG desde a Vicepresidencia da Xunta de Galiza entre 2005 e 2009.”

Foto: Un centro de día en Valladolid.

*

Uns 3.000 cans chegarán ao Mesón do Vento na XVII Feira de Cans de Caza

.
O evento terá lugar no recinto feiral de Mesón do Vento os días 1 e 2 de agosto

A feira incluirá a novidade dunha degustación gratuita de produtos de caza nos restaurantes do Mesón do Vento

Os cazadores poderán inscribirse no teléfono 689 550 728

O Concello está a ultimar os detalles da XVII Feira de Cans de Caza do Mesón do Vento, que terá lugar os días 1 e 2 de agosto. O concelleiro de Turismo e Mercados, Luis Gómez Candal asegura que “a Feira do Mesón do Ventos será unha das que maiores premios vai repartir de toda Galicia”. Así, o Concello de Ordes vai repartir máis de 3.000 euros en metálico e outros 4.000 euros máis en sacos de penso nas tres competicións existentes: campionato de rastro, campionato de caza de perdiz con can e exposición de cans de caza. Un atractivo co cal o Concello de Ordes espera animar a moitos cazadores a inscribírense neste certame, para o que deberán chamar ao teléfono 689 550 728.

Campionato de Rastro

O programa de actividades da XVII Feira de Cans de Caza abrirase o sábado 1 de agosto coa quinta edición do Campionato de Rastro, modalidade xabarín. Paralelamente terá lugar o Campionato de Caza de Perdiz con Can. Para ambas competicións, o Concello de Ordes ten preparados seiscentos euros en premios que se repartirán do seguinte xeito: 300 euros para o primeiro clasificado, 150 para o segundo, 75 para o terceiro, 50 para o cuarto e 25 para o quinto clasificado. Os dez primeiros levarán tamén un saco de penso e unha medalla conmemorativa.

A inscrición en cada unha das competicións custa 30 euros, e inclúe a participación nun xantar de confraternidade ese sábado. O sorteo dos percorridos terá lugar ás 7:30 horas do sábado 1 de agosto no recinto feiral do Mesón do Vento e os participantes serán puntuados tanto polo número de pezas capturadas como polo tempo empregado para facelo.

A feira de cans será o domingo
E o domingo 2 de agosto terá lugar a decimosétima edición da Feira de Cans de Caza. O recinto feiral do Mesón do Vento abrirá as súas portas a partires das 8:30 horas, se ben dende a organización lémbranlle aos cazadores que vaian expoñer aos seus cadelos que deben chegar antes das 9:30, xa que a partir desa hora prohibirase o acceso de vehículos ata o recinto feiral.

Nesta feira, repartiranse máis de 1.800 euros en premios nas distintas modalidades a concurso, no que estarán representadas ata trinta razas. Así, o mellor can da mostra levará 150 euros, o segundo clasificado 100 euros e o terceiro 75 euros, ademais da pertinente medalla para cada un. Así mesmo, tamén se outorgarán premios de 50 euros para as distincións ao mellor can de cada raza e á mellor camada de caza maior e menor (nas modalidades de coello e perdiz). Ademais, todas as gaiolas serán agalladas cun saco de penso.

Esta XVII Feira de Cans de Caza está organizada polo Concello de Ordes, en colaboración coa Asociacións Feira de Cans-Amigos de Ardemil, Ferralla Lois, Reale Seguros e Moure Villaverde SL.

As frases de Luis Gómez Candal, concelleiro de Turismo e Mercados

"Temos o obxectivo de converter a feira na mellor de Galicia, algo que esperamos conseguir nesta edición xa que esperamos incrementar nun 50% o número de exemplares participantes, ata chegar aos 3.000 cans"

“Agardamos que poidan participar centos de cazadores e que milleiros de persoas se despracen ata o Mesón do Vento para disfrutar desta feira como na pasada edición, onde poderán ver máis de 3.000 cans de caza”

Foto arriba: Imaxe da pasada edición da Feira de cans de Mesón do Vento.

*

Recouso: "Regos está desacreditándose públicamente para desempeñar o cargo de alcalde"

.
O nacionalista considera "moi grave" que Regos considere "normal" cometer ilegalidades coas contas do seu partido

O concelleiro do BNG Ramiro Recouso, respostou ás declaracións do alcalde Manuel Regos na prensa, manifestando que “o BNG considera moi grave que Regos xustifique e vexa normal incumplir a obriga de presentar a contabilidade do seu partido nas pasadas eleccións municipais diante do Tribunal de Cuentas”.

O concelleiro nacionalista acusou ao alcalde de Ordes de “ser o único alcalde de Galiza que non presentou as contas electorais do seu partido para que fosen fiscalizadas polo Tribunal de Contas”.

"Confirmando as sospeitas"
Segundo o concelleiro nacionalista, “o alcalde admitiu que non ten presentado as contas de UXO diante do Tribunal de Cuentas, confirmando as sospeitas de que pretende ocultar posíbeis irregularidades relacionadas coa financiación do seu partido”.

Recouso considera que “cando Regos xustifica e ampara as graves irregularidades cometidas coas contas do seu partido, está desacreditándose públicamente para desempeñar o cargo de alcalde Ordes”, neste sentido, o concelleiro do BNG fixose a seguinte pregunta: “un alcalde que ve normal cometer ilegalidades coas contas do seu partido, que confianza pode ofrecer para xestionar o diñeiro público?”.

*

Unión por Ordes (UxO) no recibirá subvenciones públicas por incumplir un artículo de la Ley Electoral

.
Un incumplimiento generalizado que afecta a 890 formaciones políticas de toda España

Más de la mitad de las 1.656 formaciones políticas españolas no presentaron la contabilidad de ingresos y gastos electorales

El edil nacionalista Ramiro Recouso divulgaba esta mañana una nota informativa que daba a conocer la situación administrativa de la formación independiente Unión por Ordes (UxO) con respecto a la obligación que tienen todos los partidos y agrupaciones que hayan alcanzado los requisitos exigidos para recibir subvenciones estatales de presentar ante el Tribunal de Cuentas una contabilidad detallada y documentada de sus respectivos ingresos y gastos electorales, según establece la Ley Orgánica de Régimen Electoral General (LOREG) en su artículo 133.1.

Y lo cierto es que según el informe del Tribunal, en las pasadas elecciones municipales de 2007 en donde concurrieron en toda España 1.656 formaciones políticas, menos de la mitad de todas ellas -766- llegaron a presentar esta documentación. De las 890 formaciones que optaron por no hacerlo y que en consecuencia impide ser adjudicatario de las subvenciones contempladas en la LOREG, se encuentra la formación liderada por el alcalde Manuel Regos, Unión por Ordes (UxO).

"O alcalde comete irregularidades coas contas do seu partido"

Según Recouso, para quien el alcalde Manuel Regos comete “ilegalidades coas contas do seu partido”, asegura que este “non atendeu os requerimentos realizados polo Tribunal de Cuentas para que presentase diante do mesmo a contabilidade do seu partido” referidas a las elecciones municipales del 27 de mayo de 2007.

Lo cierto es que el informe que publica el Tribunal de Cuentas sobre el asunto señala que han sido las “formaciones de pequeña implantación que, generalmente, sólo han concurrido en un municipio” quienes han incumplido con la obligación. Así, sólo la lista de incumplimientos en la provincia de A Coruña atañe a 21 pequeñas formaciones que obtuvieron entre los 223 votos de Alternativa por Irixoa hasta los 7.001 votos que contabilizó el Partido Galeguista en Oroso.

Hasta 21 formaciones políticas en la provincia incumplen el artículo
Junto a Unión por Ordes y estas dos formaciones citadas se encuentran la Agrupación de Independientes para Arzúa, Agrupación Progresista de Abegondo, Agrupación Progresista de Culleredo, Agrupación Sada Unida, Alternativa dos Independientes de Malpica, Alternativa Independiente de Galicia, Candidatura de Independientes de Santiso, Círculo de Opinión Eumes, Independientes en Pontedeume, Independientes por Cee, Independientes por Ferrol, Independientes por Mugardos, Independientes por Porto do Son, Iniciativa Independiente de Teo, Iniciativa Veciñal Cabanesa, Nueva Alianza, Partido Galeguista, Partido Independiente de Santa Comba y Xuntos Cara o Progreso de Toques. En la provincia de Pontevedra fueron 11 las incumplidoras, por una de Ourense y tres grupos también independientes de Lugo.

Sin embargo, el edil nacionalista Ramiro Recouso ha recordado que “todos os partidos teñen a obriga legal de presentar as contas e os gastos electorais diante do Tribunal de Cuentas, que é o organismo estatal que se encarga de fiscalizalas”. Para el nacionalista, “as graves irregularidades cometidas por Manuel Regos coas contas do seu partido, o desacreditan políticamente para desempeñar o cargo de alcalde Ordes” para rematar manifestando que “un alcalde que comete ilegalidades coas contas do seu partido, que confianza pode ofrecer para xestionar o diñeiro público?.”

Regos rechaza las sospechas nacionalistas
A preguntas de Ordessiete, Regos ha rechazado rotundamente las sospechas nacionalistas pronunciadas por el concelleiro Ramiro Recouso de que este incumplimento pudiera significar que “o alcalde pretende ocultar posíbeis irregularidades relacionadas coa financiación do seu partido” y se ha limitado a decir que tal incumplimiento de la presentación de la contabilidad electoral atañe únicamente a la posibilidad de poder alcanzar subvenciones públicas y que en ningún caso se podría interpretar este incumplimiento como una forma de ocultar la financiación de UxO.

Fuentes jurídicas próximas al gobierno municipal consultadas por este medio vinieron a decir que “no presentar esta documentación es una fórmula administrativa con la que simplemente se quiere decir que se rechaza optar a subvenciones públicas" como así se intepreta de la lectura del informe del Tribunal de Cuentas, "algo de lo que las formaciones más pequeñas reciben en muchas ocasiones tarde y en forma de migajas".

Recouso anunció que “o BNG presentará unha iniciativa no próximo Pleno na que se reprobará o comportamento do alcalde, xa que os veciños de Ordes non merecen un alcalde que non ofrece a máis mínima confianza para xestionar o diñeiro dos seus impostos.”


*

'Aberto por folga', cabaré laboral este venres na Casa da Cultura

.
Non te perdas a espectáculo humorístico sobre o mundo laboral da compañía Tangatutanga Teatro

O auditorio da Casa da Cultura de Ordes acollerá este venres, 12 de xuño, ás 21 horas, o espectáculo da compañía Tangatutanga Teatro “Aberto por folga, cabaré laboral”. Unha crítica humorística ao mundo laboral que chegará a Ordes promovido polo IES nº 1 en colaboración co Concello de Ordes. A entrada é totalmente gratuita.

Percorrido crítico e humorístico

“Aberto por folga. Cabaré Laboral” inclúe varias pezas e números musicais que fan un percorrido crítico e humorístico dos lugares e situacións comúns do mundo laboral: a incorporación ao traballo, a convivencia con vellas glorias, o acoso, a competitividade, a relación cos clientes, etc. Unha obra que recibiu o premio ao mellor espectáculo e á mellor dirección na X Mostra de Teatro Universitario da USC.

Sobre o escenario do auditorio da Casa da Cultura de Ordes, Beatriz Bravo dirixirá a un elenco de actores composto por Marco Bernal, Marta Bouzón, Inés Colmeiro, Sabela Dávila, Marta González, Andrea de Francisco, Silvia Lías, María Mato, María Meimije e Estefanía Vázquez, coa música de Fernando Cabo. A obra ten unha duración aproximada de 50 minutos.

*