sábado, 22 de diciembre de 2012

Os socialistas de Ordes, satisfeitos coa inclusión das súas propostas no POS 2013

Se trata do remate da urbanización no Laranxal, no Piñeiro, e o arranxo da pista do Quinto, entre Parada e Castenda dende a AC-413 Ordes-Carballo

O portavoz municipal dos socialistas de Ordes, Xesús Pedreira, amosou onte a súa satisfacción pola inclusión no POS 2013 das dúas propostas de actuacións realizadas polos socialistas e que hoxe foi aprobada por unanimidade polo pleno municipal en sesión extraordinaria. 

As dúas obras conseguidas polos socialistas ordenses son o remate da urbanización no Laranxal (no barrio ordense do Piñeiro e que inclúe a creación de beirarrúas na zona) e o arranxo da pista do Quinto, que comunica coas localidades de Parada e de Castenda dende a estrada AC-413 (Ordes-Carballo), un vial moi utilizado e que se atopa en malas condicións.

Xesús Pedreira considera que “son dúas obras moi necesarias e pedidas polos veciños e veciñas destas parroquias e cuxo custo foi asumido polo Concello con cargo ao POS 2013”.

*