Os paxes reais chegarán o 17 de decembro para recibir os encargos dos nenos e nenas
O festival do Nadal da Banda de música será o 29 de decembro e o día seguinte actuará a coral polifónica na igrexa parroquial
O Concello de Ordes ven de
facer público o seu programa de actividades e celebracións do Nadal. A primeira das citas será o 17 de decembro nas escolas
unitarias das parroquias do municipio. Ata alí se desprazarán os paxes reais
para atender as peticións, recoller as cartas e repartir agasallos e caramelos
entre os nenos e nenas. Ó día seguinte volverán a desprazarse, esta vez ata a
escola infantil municipal Sorrisos.
O día 26 de decembro, o local cultural acollerá o
obradoiro de creación de xoguetes con material de refugallo. O inicio desta
actividade será ás 16.30 horas e está orientado para os nenos e nenas de 4 a 7
anos. Xa ás 18:00 horas será o turno para os rapaces e rapazas de 8 a 12 anos.
Outro dos obradoiros previstos para este mes será o de decoración navideña, o
cal terá lugar o día 27.
Os interesados en participar xa se poden inscribir ata
o vindeiro 21 de decembro no departamento
de Medio Ambiente, ubicado na primeira planta do edificio consistorial.
Festival do Nadal
Un ano máis o auditorio da Casa da Cultura
acollerá o festival de Nadal. Organizado pola Banda de Música de Ordes en
colaboración co Concello de Ordes a cita será o vindeiro 29 de decembro a
partir das 20 :00horas. Non é a única data a ter en conta por parte dos
afeccionados á música.
O 30 de decembro a igrexa parroquial de Santa María de
Ordes acollerá dende as 20.30 horas o Certame de Corais. Un acto organizado pola Coral Polifónica de Santa
María de Ordes en colaboración co Concello de Ordes.
Cabalgata de Reis
Como todos os anos as
rúas de Ordes engalanaranse para recibir o 6 de xaneiro as súas Maxestades os
Reis Magos. Será a partir das 17:00 horas cando inicien o seu percorrido polas
principais vías e rúas da vila, para posteriormente visitar o Belén vivinte que
se instalará na Alameda.
Alí todos os nenos e nenas poderán falar con eles e
lembrarlles os presentes que desexan para o novo ano. Agasallos, caramelos e
doces, tamén para diabéticos e celíacos, van ser repartidos de balde entre
todos os asistentes.
*
