martes, 18 de diciembre de 2012

Os socialistas de Ordes doarán media tonelada de alimentos aos servizos sociais

O PSdG-PSOE de Ordes non celebrará a súa tradicional cea do Nadal

Pedreira: "Diante da situación de necesidade que viven moitas familias, decidimos cancelar un evento festivo do partido e dedicar eses cartos a mercar alimentos"

A Agrupación Socialista de Ordes acordou non celebrar este ano a súa tradicional cea de Nadal para afiliados e simpatizantes, cartos que empregará na compra de media tonelada de produtos non perecedoiros que serán entregados ás familias máis necesitadas de Ordes. 

Os socialistas farán entrega destes alimentos aos Servizos Sociais de Ordes durante esta mesma semana.

Xesús Pedreira.
As frases de Xesús Pedreira, secretario xeral da Agrupación Socialista de Ordes
"Diante da situación de necesidade que viven moitas familias, decidimos cancelar un evento festivo do partido e dedicar eses cartos a mercar alimentos cos que complementar as achegas dos veciños"

"No canto de arroces e pastas, que adoitan ser as doazóns máis habituais, nós apostaremos por alimentos de maior duración como poden ser as conservas ou os aceites, por exemplo"

*