miércoles, 19 de diciembre de 2012

Ordes luce a súa iluminación do Nadal

A avenida de Alfonso Senra, iluminada co gallo das festas do Nadal.
Na noite de onte procedeuse o acendido dos novos sistemas LED durante as festas 

As principias rúas da vila e das parroquias do Concello de Ordes exhiben xa a nova iluminación de Nadal.  Na noite de onte martes procedeuse o acendido dos novos sistemas que perdurarán así ata o remate das festas. Deste xeito dende o Concello queren dar un pulo ó consumo local nestas datas, á par que anima á veciñanza a participar nas actividades previstas nos vindeiros días. 

Todo este sistema de iluminación verase incrementado con máis módulos e unidades a partir do 5 de xaneiro, de cara á  Cabalgata que traerá ata a vila de Ordes aos Reis Magos de Oriente.

A Alameda da vila de Ordes luce a tecnoloxía led combinada con lámpadas tradicionais.
Tecnoloxía led
Este ano hai que destacar a colaboración da empresa Rofaya, encargada da instalación e mantemento do sistema eléctrico público de Ordes, quenes asumirán o íntegramente o custo xerado de dita instalación. 

Os responsables desta firma comercial optaron pola instalación de tecnoloxía led combinada con lámpadas tradicionais de baixo consumo, que non superan os 25 vatios. Unha petición suxerida dende o mesmo Goberno municipal co fin de reducir ao máximo o custo económico derivado do consumo eléctrico, á par que se contribue na preservación do medio ambiente.

*