Terá lugar na Casa da Cultura entre las 16:00 e as 18:00 horas e actuarán varios artistas e músicos afeccionados
A entrada terá un custe de cinco euros que será destinado integramente a axudas aos necesitados
O próximo sábado 15 de decembro, a Casa da Cultura de Ordes acollerá un espectáculo musical en beneficio de Cáritas parroquial. A cita, que terá un custe de entrada de cinco euros, terá lugar dende as 16:00 ata as 18:00 horas.
Todos os cartos recadados se destinarán íntegramente para axudar aos máis
necesitados do municipio.
Nesta
ocasión os organizadores do evento contan coa participación de artistas e
cantantes afeccionados, a maioría deles da mesma comarca de Ordes. Entre os nomes
dos que se subirán ó escenario a dar o mellor de sí figuran José Manuel Souto,
que acompañado do seu piano interpretará temas ben coñecidos por todos.
Tamén
estarán o cantante e guitarrista carballés Manuel Periscal, Maruja Moar ou María
Jesús Liñares, entre outros moitos.
Sorteos
Tamén
están previstos sorteos que se realizarán entre o público asistente por cortesía de moitas firmas comerciais e establecementos da
zona.
O Concello de Ordes tamén súmase a esta celebración brindando toda a
axuda e colaboración posible a Cáritas Ordes para que a cita solidaria sexa un éxito.
*
