Participará o alcalde de Ordes, Manuel Regos, e abordarán cuestións sobre a contratación persoal en situación ou risco de exclusión social
Ordes acollerá o vindeiro
xoves 24 de outubro as Xornadas Galegas sobre Empresas de Inserción Laboral
(EIL). Unha cita que se desenvolverá de 10:00 a 14:00 horas nos baixos da Alameda.
Os interesados poderán participar de balde facilitando os seus datos no Departamento de Emprego do
Concello de Ordes, ou ben chamando ao 981 680 002.
Entre os puntos e temáticas que se
abordarán nos distintos encontros e ponencias figuran as empresas de inserción
e as axudas á contratación de persoas en situación ou risco de exclusión
social.
Tamén se analizará a situación social das EIL, para o que se ofrecerán
exemplos reais de empresas como Compostela Inserta, Cormo Integral, Properdis,
Sercoga ou Emprende Futuro.
Participantes
Na xornada contarase tamén coa
participación de Manuel Regos, alcalde de Ordes e presidente da Mancomunidade
de Municipios da Comarca de Ordes; Miguel Fernández Blanco, presidente da
Asociación de Empresas de Inserción de Galicia; Jorge Barros, subdirector xeral
de fomento da contratación e do traballo autónomo, así como coa dos
representantes de todas as empresas asistentes.
As Xornadas Galegas sobre Empresas de
Inserción Laboral están financiadas polo Fondo Social Europeo, Consellería de
Traballo e Benestar, II Plan Galego de Inclusión Social, contando coa
colaboración do Concello de Ordes.
*
