martes, 29 de octubre de 2013

A Mancomunidade celebra mañá unhas xornadas sobre cooperativismo


Falarase da comercialización do grelo a través de cooperativas agrarias

Co fin de dar a coñecer e achegar o máximo posible a Oficina de Fomento Cooperativo da Mancomunidade de Ordes, mañá mércores celebrarase unha xornada sobre o cooperativismo. A asistencia será gratuíta. Para apuntarse basta con acudir ás oficinas da Mancomunidade e facilitar os datos persoais.

O encontro iniciarase ás 09:30 horas no salón de plenos ubicado nos baixos da Alameda de Ordes coa inauguración oficial por parte do presidente da Mancomunidade de Ordes, Manuel Regos

Posteriormente Ana Lorenzo Vila, técnico da Rede Eusumo, falará sobre a economía social e o cooperativismo. Inmediatamente despois será o turno de Loli Couso Costa, técnico de AGACA, que falará da comercialización do grelo e doutros cultivos a través dos distintos tipos de cooperativas agrarias. 

Cooperativas de traballo asociado
Tras unha pausa a xornada continuará coa charla impartida por persoal técnico de UGACOTA sobre as cooperativas de traballo asociado e as posibilidades de emprendemento que ofrecen. Por último, ata as 14:00 horas, realizarase unha mesa redonda onde se porán en común e se debatirán as distintas experiencias por parte da Cooperativa Comarcal de Ordes, Pico Sacro e LUTEGA, S. Coop. Galega.

*

*