jueves, 10 de octubre de 2013

Créase a Plataforma de Afectados polas Pensións de Retornados da Comarca de Ordes


Momento da celebración do acto onte na sede socialista local de Trazo.
Reuníronse na noite de onte en Trazo, nun acto organizado polo PSOE

O 21 de outubro constituiranse oficialmente en Sigüeiro


O PSOE de Trazo infomou hoxe de que os pensionistas retornados que cobran prestacións doutros países na comarca de Ordes constituiranse como Plataforma de Afectados para defenderse conxuntamente diante das pretensións da Axencia Tributaria, que lles está requerindo que tributen por eses subsidios dende o ano 2008 e lles está a impoñer inxustas multas ao considerar que non cumpriron cos seus deberes fiscais. 

Así se acordou na noite de onte en Trazo durante un acto organizado polo grupo municipal socialista tracense e no que participaron máis de sesenta veciños e veciñas afectados.

A deputada autonómica Carmen Gallego explicoulles aos presentes o acordo unánime acadado polo Parlamento de Galicia e respondeu ás dúbidas plantexadas polos veciños, sobre todo relacionadas coas multas e os intereses esixidos por Facenda. 

E é que pensionistas que reciben uns 800 euros mensuais de pensión agora están sendo obrigados a pagar unhas cantidades de entre 3.000 e 4.500 euros

Unha situación inxusta, a xuízo dos socialistas, porque se lles están a impoñer multas cando ningún deles fora informado sobre a necesidade de tributar por estas pensións exentas de tributación nos países onde traballaron.

Plataforma de afectados
Para defender os intereses destes pensionistas retornados, durante a reunión acordouse crear unha Plataforma de Afectados, que será constituída formalmente o próximo 21 de outubro nun acto que terá lugar no centro cultural de Sigüeiro.

*