lunes, 2 de septiembre de 2013

Pesar nos socialistas de Ordes polo pasamento de Choncha Concheiro


Xesús Pedreira: "Os veciños e veciñas de Ordes poden sentirse orgullosos desta ordense exemplar que por loitar pola libertade, a democracia e a República, sufriu a represión franquista"

A Agrupación Socialista de Ordes ven de expresar o seu pesar polo pasamento onte de Choncha Concheiro Garcia en México aos cen anos de idade. 

Vencellada dende a súa mocidade coas libertades democráticas, Choncha Concheiro xunto ao seu marido, o médico Paco Comesaña, primeiro secretario xeral das Xuventudes Socialistas de Santiago, foron, sempre segundo o PSOE de Ordes, un referente histórico na loita contra a dictadura franquista e pola democracia.

Xesús Pedreira (PSOE).
As frases de Xesús Pedreira, voceiro municipal socialista de Ordes
“Os vecinos e veciñas de Ordes poden sentirse ben orgullosos de Choncha Concheiro e do seu marido, Paco Comesaña, así como dos once fusilados en 1937 en Boisaca, todos eles de Ordes que loitaron pola libertade, a democracia e pola República e sufriron a represión do réxime franquista".

“Non podemos esquecer que as liberdades democráticas que disfrutamos hoxe, son en boa parte froito daquela loita de Choncha Concheiro e Paco Comesaña”

*