lunes, 23 de septiembre de 2013

Aberto o prazo de inscricións para viaxar a Andalucía

A Alhambra de Granada.

Visitaranse as provincias de Córdoba, Sevilla e Granada, dende o 22 ao 27 de outubro

Inscricións na Casa do Concello de Ordes

O Concello de Ordes ven de abrir o prazo para participar na excursión organizada para os maiores do municipio, e que nesta ocasión transcorrirá por terras andaluzas. 

Concretamente visitaranse as provincias de Córdoba, Sevilla e Granada dende o 22 ata o 27 de outubro. Os interesados deberán formalizar a súa inscrición ata o 14 de outubro no Departamento de Servizos Sociais. 

Taxas
As taxas inclúen a estancia en hotel baixo réxime de pensión completa, servizo de autobús, seguro de viaxe, e visitas guiadas nas cidades máis destacadas. Para levar a cabo esta viaxe precisaranse un mínimo de 35 persoas inscritas.

*