lunes, 2 de septiembre de 2013

Morre en México Chonchiña Concheiro aos cen anos de idade

Choncha Concheiro en México o pasado mes de maio, no día do seu 100 cumpreanos.
A histórica católica comunista (Ordes, 1913), inspirou a Manuel Rivas para escribir O lapis do carpintero

Ascensión Chonchiña Concheiro García (Ordes, 1913), morreu onte aos cen anos de idade en México, onde foi soterrada. Tía de Manuel María Concheiro, empresario fundador de Internaco, Choncha Concheiro era viuva do médico republicano Paco Comesaña (1912-1977), primeiro secretario xeral das Xuventudes Socialistas de Santiago, encausado xunto con once veciños máis de Ordes e condenado a morte pola ditadura franquista. 

Mentres os seus 11 compañeiros de xuízo foron fusilados o 8 de febreiro de 1937 en Boisaca (Santiago de Compostela), a pena de morte de Comesaña foille conmutada pola de cadea perpetua por ter nacido en Cuba. 

Exiliados a Cuba e México
Así, Comesaña puido saír do cárcere en 1943 e exiliarse primeiro en Cuba e logo en México coa súa dona, país onde naceron os seus fillos, e prestaron apoio aos emigrantes e exiliados galegos. En Cuba terían unha gran amizade con Xosé Neira Vilas.

A historia de amor entre Paco Comesaña e Choncha Concheiro inspirou a Manuel Rivas para escribir a novela O lapis do carpinteiro (Xerais, 1998) posteriormente levada ao cine por Antón Reixa en 2002.

*