Gonzalo Castro avanza que solicitará a documentación relativa á suposta contratación
como coordenadora da piscina climatizada dunha concelleira do Goberno municipal
O BNG de Ordes ven de informar de que solicitará a documentación relativa á suposta contratación como coordinadora da
piscina climatizada dunha concelleira do Goberno de UxO, xa que a xuízo dos nacionalistas, "se podería
tratar dunha situación ilegal, ao ser incompatíbel co cargo de concelleira ter
unha relación contractual co Concello, o que constituiría, e caso de
confirmarse, un escándalo máis na actuación do alcalde".
Tamén o BNG denuncia que dende o 1 de
outubro, data na que o Concello asumiu a xestión directa da piscina, xa se teñen
solicitado follas de reclamacións por parte dos usuarios "pola merma de calidade
na prestación dos servizos nesta instalación".
O portavoz municipal do BNG, Gonzalo Castro, afirmou que “o alcalde está a
incumprir o compromiso de manter a calidade do servizo e os postos de traballo,
xa que está a retrasar deliberadamente a sinatura dos contratos cos actuais
traballadores da piscina climatizada, que se atopan nunha situación de
incertidume e cos seus dereitos vulnerados, ao non querer recoñecerlles a súa
antigüidade laboral”.
Queixas dos usuarios
Gonzalo
Castro tamén afirmou que
“tal e como temíamos, só catro días despois de que o Concello se fixese
cargo da xestión directa da piscina climatizada, comezaron a producirse os
primeiros problemas na súa xestión, e as primeiras queixas dos usuarios, que xa
teñen solicitado follas de reclamación, diante dos cambios sen aviso dos
horarios das actividades e debido á ausencia dunha monitora especializada e
cualificada para unha das actividades que se viña prestando na piscina”.
Castro
lembrou tamén que “no Pleno celebrado hai
unha semana o goberno municipal rexeitou unha moción do BNG para garantir o mantemento
das actividades e dos postos de traballo na piscina, e agora comprobamos as
razóns, xa que o alcalde non ten intención de manter o funcionamento destas
instalacións nas actuais condicións, como o demostrou o feito de que tivese
reducido o horario de apertura da piscina”.
O
portavoz do BNG salientou que “o alcalde actuou unha vez máis cunha absoluta
improvisación na xestión da piscina e o ximnasio, ao rescindir a relación
contractual coa empresa, que a partir do 1 de outubro cesou na prestación de
actividades aos usuarios, sen que existise previsión algunha por parte do Goberno para manter o normal funcionamento destas instalacións e das súas
actividades”.
O
portavoz nacionalista afirmou que “a piscina leva anos sen estabilidade na súa
xestión debido á incapacidade do alcalde que non foi quen de sacar adiante a
xestión directa por parte do Concello, e nin tan sequera unha concesión do
servizo estábel e en condicións óptimas”.
 |
| Gonzalo Castro (BNG). |
Situación dunha concelleira
Gonzalo
Castro anunciou que “solicitaremos a
documentación relativa á contratación como coordenadora da piscina climatizada
dunha concelleira do Goberno de UxO, xa que se podería tratar dunha situación
ilegal, ao ser incompatíbel co cargo de concelleira ter unha relación
contractual co Concello, o que constituiría, e caso de confirmarse, un
escándalo máis na actuación do alcalde”.
*
