O Concello instalou un botemóbil no que se recollerán móbiles usados co fin de recadar fondos
O Concello de Ordes ven de iniciar
unha campaña de recollida de móbiles usados co fin de recadar fondos cos que
poder axudar a Lola. Esta rapaza de tres anos de idade presenta un complexo caso
de paralise e hipertrofia cerebral que a fai totalmente dependente dos seus
pais. Para facilitar esta labor e xestionar correctamente os terminais donados
acábase de instalar un botemóbil no primeiro andar do consistório á disposición
de quen o desexe.
Non é a única labor desenvolvida dende o Concello de Ordes para axudar
cos elevados custos de tratamento que Lola Lista precisa. Dende hai case un ano
estanse a recadar tapóns de plástico de os máis variados recipientes a través
de contedores instalados en distintos puntos da vila de Ordes. Tal é a
sensibilidade dos residentes deste municipio que incluso hai que falar de
iniciativas levadas dende establecementos e comercios xestionados por
particulares.
Todos con Lola
As persoas que estén interesadas en seguir a evolución de Lola , coñecer
con máis detalle o seu caso, ou incluso establecer contacto coa rapaza e os
seus coidadores, poden facer uso da súa páxina en Facebook ‘Para que Lola
alcance ella solita su caramelo’, ou a través do seu Twitter @TodosconLOLA. Os
que prefiran facer un donativo económico dispoñen da conta 2080 0036 66 3000073012 en Novagalicia Banco.
*
