 |
| Participantes nas xornadas de traballo con profesionais expertos en violencia de xénero. |
O presidente da Mancomunidade defende este servizo mancomunidado fronte á idea do Goberno de Madrid de trasladalo ás Deputacións
O Centro da Información á Muller (CIM) da Mancomunidade de
Ordes mantivo o pasado mércores unha nova xuntanza de traballo cos profesionais das áreas
englobadas dentro do seu sistema de intervención integral en casos de violencia
de xénero.
Nesta ocasión os
asistentes á xornada foron os traballadores e técnicos do ámbito social dos
sete concellos da Mancomunidade.
O presidente da Mancomunidade, Manuel Regos, presente tamén nas xornadas, amosou o
seu "apoio incondicional a este proxecto que aportará moito e axudará a aquelas
persoas que precisen del".
Traslado ás Deputacións
Unhas palabras de ánimo e un pulo que o presidente quiso brindarlles especialmente aos traballadores destas áreas, en clara alusión á idea por parte do Goberno central de trasladar as súas competencias e funcións ao ámbito das Deputacións naqueles municipios con menos de 20.000 habitantes.
A vindeira semana celebraranse as dúas últimas mesas de traballo deste tipo, nas que se convocará a traballadores e profesionais das áreas de seguridade e do ámbito sanitario.
As frases de Manuel Regos, presidente da Mancomunidade de Ordes
"O traballo que se está a realizar nas areas sociais é a mellor carta de
presentación e o mellor aval para xustificar a necesidade e a importancia de
mancomunidades como a de Ordes"
"Proxectos coma este son os
pilares máis importantes sobre os que se debe fundamentar a intención de
mancomunar e unificar servizos, sobre
todo nos tempos que atravesamos"
*
